Home

Hollywood

మార్వెల్ యూనివర్శ్ నుంచి వచ్చిన లేటెస్ట్ మూవీ 'అవెంజర్స్ -ది ఎండ్ గేమ్' చిత్రం బాక్సాఫీస్ వద్ద సంచలన విజయం సాధించిన సంగతి తెలిసిందే. అప్పటి వరకు ప్రపంచంలో మోస్ట్ సక్సెస్‌ఫుల్ చిత్రంగా నెం.1 స్థానంలో ఉన్న జేమ్స్ కామెరూన్ మూవీ 'టైటానిక్'ను సైతం రెండో స్థానంలోకి తొక్కేసింది.

ఈ నేపథ్యంలో జేమ్స్ కామెరూన్ తన ఓటమిని ఒప్పుకుంటూ సోషల్ మీడియా ద్వారా ప్రకటన చేశారు. అవెంజర్స్ లోగో టైటానిక్ షిప్పును ముంచి వేస్తున్నట్లు పిక్ షేర్ చేశారు. మార్వెల్ సంస్థకు ఇంత పెద్ద విజయాన్ని అందించిన అభిమానులకు సెల్యూట్ చేస్తున్నట్లు పేర్కొన్నారు.

జేమ్స్ కామెరూన్ హంబుల్ రెస్పాన్స్ చూసిన మార్వెల్ ఫ్యాన్స్ అతడి సోషల్ మీడియా పోస్టుపై ప్రశంసల వర్షం కురిపిస్తున్నారు. మీరు నిజాయితీగా ఓటమిని ఒప్పుకున్నారు. ఏ రంగంలో అయినా ఆరోగ్యకరమైన పోటీ అనేది అవసరం. దానికి మీరు ప్రతీకగా నిలుస్తున్నారు. మీరు భవిష్యత్తులో ఇంతకు మించి విజయాన్ని నమోదు చేయాలని కోరుకుంటున్నట్లు తెలిపారు.

pic.twitter.com/zfICH1XDCJ

— James Cameron (@JimCameron) May 9, 2019

1997లో విడుదలైన 'టైటానిక్' లైఫ్ టైమ్ రన్‌లో ప్రపంచ వ్యాప్తంగా 2.1 బిలిలియన్ డాలర్లు వసూలు చేసింది. ప్రపంచ సినీ చరిత్రలో ఇప్పటి వరకు దీన్ని మించిన సినిమా లేదు. ఇన్నేళ్ల తర్వాత 'అవెంజరస్-ది ఎండ్ గేమ్' ఆ రికార్డులను బద్దలు కొట్టింది.

అవెంజర్స్ -ది ఎండ్ గేమ్ చిత్రం రెండు వారాల్లోపే 2.2 బిలియన్ డాలర్లు వసూలు చేయడం ద్వారా 'టైటానిక్' రికార్డు బద్దలు కొట్టింది. ప్రస్తుతం 'అవెంజర్స్-ది ఎండ్ గేమ్' 2.78 బిలియన్ డాలర్లు వసూళ్లతో దూసుకెళుతోంది. లైఫ్ టైమ్ రన్‌లో 3 బిలియన్ మార్కును అందుకోవడం ఖాయంగా కనిపిస్తోంది.