Don't Miss!
- News కాంగ్రెస్ సర్కారును టచ్ చేస్తే..: బీజేపీ, బీఆర్ఎస్లకు సీఎం రేవంత్ హెచ్చరిక
- Sports LSG vs CSK: ధోనీ పవర్ హిట్టింగ్.. మెరిసిన జడేజా
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
అత్యధిక పారితోషికం అందుకునే ఆ హీరో మరణించాడా..!? అదంతా ఒట్టిపుకారే..!!
ఘోరాతి ఘోరమైన ఒక రోడ్ యాక్సిడెంట్ లో సుప్రసిద్ధ హాలీవుడ్ నటుడు జానీ డెప్ మరణించాడన్న విషయం సంచలనం సృష్టించింది. ఈ వార్త నిజమో, వదంతో తేలని సందిగ్ధస్థితి ఏర్పడింది. ఒక విహార యాత్రికుడు, మద్యం సీసాలమధ్య తునాతునకలైన డెప్ కారుని అతని శరీరాన్ని చూశాడనే వార్తను ఒక ఫేక్ సిఎన్ఎన్ వెబ్ సైట్ ప్రసారం చేసింది. మద్యపానమే ఈ యాక్సిడెంట్ కు కారణమని పోలీసులు ధృవీకరించారని కూడా, ఆ వార్తాసంస్థ ప్రకటించింది. దీంతో ప్రపంచం యావత్తూ ఒక్క సారి ఉలిక్కిపడింది. కానీ ఈ వార్త కేవలం ఓ పుకారు మాత్రమేనని తేలిపోయింది.
ఈ వార్తను డెప్ అసోసియేటెడ్ కంటెంట్ రైటర్ ర్యాక్ క్రిస్టోఫర్ డి వాల్ట్ కొట్టిపారేసాడు. నాకు తెలిసినంత వరకూ, జానీ డెప్ చాలా కులాసాగా వున్నాడు. అతను ఎలాంటి కార్ ప్రమాదానికీ గురికాలేదు అని వాల్ట్ తెలిపాడు. ఈ వార్త ఓ పుకారు మాత్రమే అని తెలియడంతో అందరూ ఊపిరిపీల్చుకున్నారు. ప్రస్తుతం డెప్ పైరేట్స్ ఆఫ్ ది కరేబియన్, ది టూరిస్ట్ సినిమాల్లో నటిస్తున్నాడు. ఇంతకు ముందు కూడా టామ్ క్రూజ్, టామ్ హాంక్స్, బ్రిట్నీ స్పియర్స్ వంటి ప్రముఖులు చనిపోయారనే వదంతులు వెలువడ్డాయి. ఇప్పుడీ జాబితాలో డెప్ కూడా చేరిపోయాడు. ఈ ఫేక్ వెబ్ సైట్ ప్రచురించిన వార్తను మీరు ఇక్కడ చూడవచ్చు.