అబ్భురపరుస్తున్న ‘మోగ్లి’ ట్రైలర్: హాలీవుడ్ మూవీలో ఇండియన్ కుర్రాడు!

వందేళ్లకు పైగా చిన్నా పెద్దా అనే తేడా లేకుండా ప్ర‌పంచ‌వ్యాప్తంగా అన్నివ‌ర్గాల‌ను ఆకట్టుకొంటున్న టీవీ సిరీస్ 'జంగిల్ బుక్'. దీని ఆధారంగా ఆ మధ్య హాలీవుడ్లో వచ్చిన 'జంగిల్ బుక్' సినిమా సూపర్ హిట్ అయింది. తాజాగా జంగిల్ బుక్ ఆధారంగా మరో మూవీ రాబోతోంది. 'మోగ్లి' పేరుతో రూపొందుతున్న ఈ హాలీవుడ్ మూవీలో భారత సంతతికి చెందిన అమెరికన్ కుర్రాడు రోహన్ చంద్ టైటిల్ రోల్ చేస్తున్నాడు.

తాజాగా 'మోగ్లి' చిత్రానికి సంబంధించిన ట్రైలర్ విడుదలైంది. ఆండీ సెర్కిస్ దర్శకత్వం వహిస్తున్న ఈ ట్రైలర్ ప్రేక్షకులను ఎంతగానో ఆకట్టుకుంటోంది. ఈ ఏడాది అక్టోబర్లో ఈ చిత్రాన్ని విడుదల చేసేందుకు ప్లాన్ చేస్తున్నారు.

చిన్నతనంలో మనం జంగిల్ బుక్‌లో చూసిన విధంగానే తేడేళ్లతో కలిసి పెరిగిన 'మోగ్లి' అనే కుర్రాడి కథే ఈ చిత్రం. మోగ్లితో పాటు మనల్ని ఎంతగానో అలరించిన జంతువుల పాత్రలు భగీరా, కాలా, షేర్ ఖాన్, నిషా, భల్లూ, అకేలా, టబాఖ్వి, విహాన్ పాత్రలు ఈ చిత్రంలో ప్రేక్షకులను ఎంటర్టెన్ చేయబోతున్నాయి.

'మోగ్లి' అనేది ప్రపంచ వ్యాప్తంగా దాదాపు ప్రతి ఒక్కరికీ తెలిసిన క్యారెక్టర్. ఇన్నాళ్లు కార్టూన్ రూపంలో చూసిన 'మోగ్లి' పాత్రను ఫీచర్ ఫిల్మ్ రూపంలో తీసుకురావడంపై జంగిల్ బుక్ అభిమానుల్లో మరింత ఆసక్తి నెలకొంది.