ఆ మాట చెప్పిన కమల్ హాసన్.. అలా మైండ్ బ్లాక్ సాంగ్.. దేవీ శ్రీ ప్రసాద్ కామెంట్స్

కమల్ హాసన్ చెప్పిన మాట..

దేవీ శ్రీ ప్రసాద్ మాట్లాడుతూ.. ‘నేను ప్రతి సినిమాని ఫస్ట్ సినిమాలనే ఫీల్ అవుతాను. ఫస్ట్ ఫిల్మ్ టైంలో ఓ భయం ఉంటుంది. ఆ భయం ఉన్నంత కాలం ఎన్ని సినిమాలు చేసినా ఆ ఫ్రెష్ నెస్ పోదు. ఓ సందర్భంలో కమల్ హాసన్ గారు చెప్పారు. ప్రతి సినిమా విషయంలో ఆ భయం అలాగే ఉంచు. ఆ భయమే మనల్ని కాపాడుతుందని. నేనూ అదే నమ్ముతాను.

ఫోటోగ్రఫీ అంటే ఇష్టం..

నాకు ఫొటోగ్రఫీ అంటే బాగా ఇంట్రస్ట్. నేను ట్రావెలింగ్ లో ఖచ్చితంగా ఒక కెమెరాను తీసుకువెళ్తాను. బేసిగ్గా మా నాన్నగారికి ఫొటోగ్రఫీ అంటే బాగా ఇష్టం. ఆయన ఇండస్ట్రీకి వచ్చిందే కెమరామెన్ అవుదామని. కానీ అనుకోకుండా రైటర్ అయ్యారు. ఆయన ద్వారా నాకు కూడా ఫొటోగ్రఫీ మీద బాగా ఇష్టం పెరిగింది.

అలా మైండ్ బ్లాక్..

నేను ఫస్ట్ టైం స్క్రిప్ట్ విన్నప్పుడే.. అన్ని రకాలుగా ఉండే పూర్తి ఆల్బమ్ అని నాకు నమ్మకం వచ్చేసింది. మినిమమ్ రెండు డ్యాన్స్ నెంబర్స్ వస్తాయి, అలాగే అన్ని రకాల జోనర్ సాంగ్స్ కి స్కోప్ ఉందనిపిచింది. మైండ్ బ్లాక్ సాంగ్ విషయానికొస్తే అనిల్ రావిపూడి గారు కథ చెప్పేటప్పుడే.. లుంగీ, పూలు, జుబ్బా వేసుకుంటారని అలా డిస్క్రిప్షన్ ఇచ్చారు.. ఎప్పుడు ప్యాంటేసేవాడు.. ఇప్పుడు లుంగీ కట్టేశాడు.. అంటూ అందే సమయంలో లిరిక్స్ కూడా రాసేశాను.

అన్నీ డిఫరెంట్ సినిమాలే..

సుకుమార్ - అల్లు అర్జున్ సినిమా చేస్తున్నాను. మా కాంబినేషన్‌పై భారీ అంచనాలు ఉన్నాయి. ఆ అంచనాలకు తగ్గట్లుగానే ఉంటుంది ఆ సినిమా. అలాగే ‘ఉప్పెన' సినిమా చేస్తున్నాను. అది పూర్తిగా డిఫరెంట్ సినిమా. ఫీల్ గుడ్ లవ్ స్టోరీలా ఉంటుంది. సంగీత ప్రధానంగా సాగుతుంది. నితిన్ ‘రంగ్ దే' కూడా పూర్తి ప్రేమ కథా చిత్రం.. అలాగే కీర్తి సురేష్ సినిమా కూడా చేస్తున్నాను. అంతేకాకుండా త్వరలోనే ఓ హిందీ చిత్రం కూడా కన్ఫమ్ అయ్యే చాన్స్ ఉంది. త్వరలోనే దాని వివరాలు కూడా చెబుతాన'ని అన్నాడు.