టాలీవుడ్‌లో సీఎం భార్య రీఎంట్రీ.. ఆ సినిమా పేరేంటంటే..

Recommended Video

Later Karnataka Elections Kumaraswamy Wife Became A Hot Topic

ఎమ్మెల్యే గోపినాథ్ నిర్మాతగా

పెళ్లికి ముందు రాధిక కుమారస్వామి 2002లో నీల మేఘశ్యామ అనే చిత్రంతో కన్నడ సినీ పరిశ్రమలో అడుగు పెట్టారు. హీరోయిన్‌గా పరిచయమైన తొలి చిత్రం మాత్రం 'భద్రాద్రి రాముడు". నందమూరి తారకరత్నతో 2004లో రూపొందిన ఈ చిత్రానికి ప్రస్తుత జూబ్లీహిల్స్ శాసన సభ్యుడు, సినీ నిర్మాత మాగంటి గోపినాథ్ రూపొందించారు. ప్రముఖ దర్శకుడు సురేష్ కృష్ణ దర్శకత్వం వహించారు.

కుమారస్వామితో పెళ్లి

కన్నడ చిత్ర పరిశ్రమలో కుమారస్వామి నిర్మాతగా వ్యవహరిస్తున్న సంగతి తెలిసిందే. ఆ క్రమంలో 2005లో రాధిక, కుమారస్వామిల పరిచయం జరిగింది. వారి పరిచయం ప్రేమగా మారడంతో పన్నెండేళ్ల క్రితం అంటే 2006లో ఆమె కుమారస్వామిని పెళ్లాడారు. వీరికి ఓ కూతురు ఉంది. ఆమె పేరు షమిక కే స్వామి.

రాధికకు రెండో వివాహం

2005లో రాధికా - కుమారస్వామిలకు పరిచయమైంది. 2006లో ఇద్దరు పెళ్లి చేసుకున్నారు. పెళ్లైన నాలుగేళ్ల తర్వాత అంటే 2010లో అందరికీ వివాహం గురించి తెలిసింది. రాధిక, కుమారస్వామిల ఇద్దరిదీ రెండో వివాహమే. 2000లో ఆమె రతన్‌కుమార్‌ అనే వ్యక్తిని రాధిక పెళ్లాడారు. అప్పటికి ఆమె వయస్సు 14 ఏళ్లు. పెళ్లి జరిగిన రెండేళ్ల తర్వాత రతన్‌ గుండెపోటుతో మరణించారు. 1986లో అనితను కుమారస్వామి వివాహం చేసుకున్నారు. వీరికి నిఖిల్ గౌడ (జాగ్వర్ మూవీ హీరో) కుమారుడు ఉన్నారు .

తాజాగా యాక్షన్ కింగ్ అర్జున్‌తో

కుమారస్వామితో పెళ్లి తర్వాత రాధిక రాజకీయాల్లోకి వస్తారనే ప్రచారం జరిగింది. కానీ మళ్లీ తెలుగు సినిమాతో రీ ఎంట్రీ ఇచ్చేందుకు సిద్ధమయ్యారు. ప్రస్తుతం యాక్షన్ కింగ్ అర్జున్ నటించిన తెలుగు చిత్రం కాంట్రాక్ట్‌లో కీలక పాత్రను రాధిక పోషించారు. రాధికా కుమారస్వామి ఇందులో అర్జున్‌కు జోడిగా నటిస్తున్నారు. ఇందులో హీరో జేడీ చక్రవర్తి విలన్‌గా నటిస్తుండటం విశేషం. ప్రముఖ కన్నడ కథానాయిక సీనియర్ దర్శకులు కే విశ్వనాథ్ కీలక పాత్ర పోషిస్తున్నారు. త్వరలోనే కాంట్రాక్టు చిత్రం ప్రేక్షకుల ముందుకు రానున్నది.