చారులత

చారులత సినిమా హర్రర్ ఎంటర్టైనర్ చిత్రం ఇందులో ప్రియమణి, స్కంద, సరణ్య పొన్వన్నన్, సీత తదితరులు నటించారు. ఈ సినిమాకి దర్శకత్వం పొన్ కుమరన్ నిర్వహించారు మరియు నిర్మాత రమేష్ కృష్ణా మూర్తి నిర్మించారు. ఈ చిత్రానికి సంగీతదర్శకుడు సుందర్ సి బాబు స్వరాలు సమకుర్చరు.  కథ చారు, లత... ఇద్దరూ ఒకే శరీరం, ఒకే ఆత్మతో బ్రతుకుతూంటారు. ఒకరంటే ఒకరికి ఎంతో ప్రేమ. ఈ ఇద్దరిదీ విడదీయరాని బంధం. ఈ నేపథ్యంలోనే రవి(స్కంద) వారి జీవితాల్లో ప్రేమ అంటూ ప్రవేశిస్తాడు. చారుపై అతను చూపే ప్రేమ వారిని మానసికంగా గానే కాక భౌతికంగా విడిపోయే స్ధితికి తీసుకువస్తుంది. అతుక్కున్న శరీరాలతో జీవితం కష్టం కాబట్టి... విడిపోవడానికి సిద్ధపడతారు. వాళ్లు విడిపోయాక ఆ ట్విన్స్ లో ఒకరు మరణిస్తారు. అక్కడనుంచీ మిస్టరీ మొదలవుతుంది. చనిపోయిన ఆత్మ బ్రతికి ఉన్న తన సోదరిపై పగ తీర్చుకోవటం మొదలెట్టి ఆమె జీవితాన్ని ఛిన్నాభిన్నం చేస్తుంది. అప్పుడేం జరిగింది. ఇంతకీ చనిపోయింది ఎవరు అన్న విషయాలు తెలుసుకోవాలంటే సినిమా చూడాల్సిందే.