క్లైమాక్స్

క్లైమాక్స్  సినిమా మిస్టరీ, థ్రిల్లర్ ఎంటర్టైనర్ చిత్రం ఇందులో రాజేంద్ర ప్రసాద్, సాషా సింగ్, శ్రీ రెడ్డి, పృథ్వి రాజ్, శవ శంకర్ మాస్టర్ తదితరులు నటించారు. ఈ సినిమాకి దర్శకత్వం భవాని శంకర్ వహించారు. నిర్మాత పి రాజేశ్వర్ రెడ్డి నిర్మించారు. సంగీతం రాజేష్ నీద్వాన అందించారు.  కథ   విజయ్ మోడీ (రాజేంద్ర ప్రసాద్) అనే వ్యక్తి పచ్చి అవకాశవాది. ఎలాంటి అడ్డదారులు తొక్కైనా సరే జీవితంలో పైకి రావాలనుకొంటాడు. ఓ మంత్రికి బినామీగా కూడా వ్యవహరిస్తుంటాడు. బ్యాంకుల నుంచి వేల కోట్లు రుణాలు తీసుకొని పెద్ద పారిశ్రామిక వేత్తగా ఎదుగుతాడు. పాపులారిటీ కోసం టీవీ షోలు చేస్తాడు. సినిమాలు నిర్మిస్తాడు. చివరకు విజయ్ మోడీ అప్పులపాలవుతాడు. ఓ దశలో దారుణ హత్యకు గురవుతాడు. అప్పుల పాలైన తర్వాత తాను బినామీగా వ్యవహరించిన మంత్రి నుంచి విజయ్ మోడీ ఎలాంటి సహాయం కోరుతాడు? కష్టాల్లో ఉన్న సమయంలో అమ్మాయితో జరిగిన పరిచయం ఎక్కడికి దారి తీసింది? విజయ్ మోడీకి సంబంధించి సీఐడీ దర్యాప్తులో వెలుగులోకి వచ్చిన సెన్సేషనల్ విషయాలు ఏమిటి? స్టార్ హోటల్‌లో రెండు గంటలపాటు సీసీటీవీ ఫుటేజ్ ఆపివేసిన తర్వాత అసలేం జరిగింది? సీఐడీ ఆఫీసర్లకు తెలిసిన విస్తుపోయే అంశాలు ఏమిటి అనే ప్రశ్నలకు సమాధానమే క్లైమాక్స్