30 ఏళ్ల క్రితం..... రామోజీని కలిసేందుకు ఆర్జీవి కిల్లింగ్ ఐడియా

సినిమాల కోసం ప్రయత్నిస్తున్న రోజులవి..

‘అది నేను సినిమాల కోసం ప్రయత్నాలు చేస్తున్న రోజులు. అదే సమయంలో శ్రీవారికి ప్రేమ లేఖ, మయూరి, ప్రతిఘటన లాంటి అసాధారణమైన హిట్లతో రామోజీరావు గారు దూసుకుపోతున్నారు. వెంటనే ఆయన్ని కలవాలని ప్రయత్నించా. అయితే అంత పెద్ద సెలబ్రిటీని కలవటం అంటే అప్పట్లో మామూలు విషయం కాదు అని వర్మ తెలిపారు.

ఆయన్ను కలవడం కోసమే

రామోజీ రావును కలవడం కోసం, ఆయన దృష్టిలో పడేందుకు ‘ది ఐడియాస్‌ కిల్డ్‌ 50 మిలియన్‌ పీపుల్‌' పేరిట ఓ ఆర్టికల్ రాసి ఆ సమయంలో ఆయన నడిపించిన న్యూస్‌టైం అనే పేపర్‌కు పంపించా. నా ఆర్టికల్‌ ప్రచురితమై నా పేరు మారుమోగిపోయింది. ఆ తర్వాత నాకు ఆయన అపాయింట్ మెంట్‌ దొరికింది.... అని వర్మ వెల్లడించారు.

అవకాశం ఇవ్వని రామోజీ

అయితే రామోజీని కలిసి వర్మకు సినిమా అవకాశం రాలేదు. అందుకు కారణం వర్మకు అనుభవం లేక పోవడమే. వర్మ ఆయన్ను ఎంత కన్విన్స్ చేయడానికి ప్రయత్నించినా.... రామోజీరావు కన్విన్స్ కాలేదట. సినిమా అవకాశం కాదు కానీ...తన పేపర్లో కాలమిస్ట్‌గా నాకు అవకాశం ఇస్తానని చెప్పారట రామోజీరావు.

చాలా కాలం తర్వాత...

తాను అప్పట్లో రాసిన ఆ వ్యాసం తనకు ఎంతో గుర్తింపు తెచ్చిందని, తన కుటుంబ సభ్యులు కూడా ఎంతో సంతోషించారని ఆర్జీవీ చెప్పాడు. చాలా కాలంగా మిస్సయిన ఆ ఆర్టికల్ మళ్లీ స్నేహితుడి దగ్గర దొరకడంతో.... దాన్ని అభిమానులతో షేర్ చేసుకున్నారు వర్మ.