కూతురు చేసిన పనికి ఐశ్వర్యరాయ్ కన్నీళ్లు ఆగలేదు!

By Bojja Kumar

Published: Wednesday, March 23, 2016, 16:05 [IST]

హైదరాబాద్ : మాజీ ప్రపంచ సుందరి, బాలీవుడ్ స్టార్ హీరోయిన్ ఐశ్వర్యరాయ్ ప్రస్తుతం 'సరబ్జీత్' చిత్రంలో నటిస్తున్న సంగతి తెలిసిందే. ఈ చిత్రం షూటింగు దేశ సరిహిద్దు ప్రాంతాల్లో జరుగతోంది. ఈ క్రమంలో ఐ్వర్యరాయ్ అనారోగ్యం పాలయ్యారు. దీంతో షూటింగుకు సెలవు పెట్టేసి ఇంటికొచ్చేసింది ఐష్.

అనారోగ్యంతో ఉన్నప్పటికీ ఐశ్వర్య ప్రతిరోజూ తన కూతురు ఆరాధ్యను స్కూల్ వదిలే సమయానికి వెళ్లి తనను స్వయంగా ఇంటికి వెంటబెట్టుకుని వస్తోంది. తల్లి అనారోగ్యాన్ని గమనించిన ఆరాధ్య తన క్లాస్ రూములో 'గెట్ వెల్ సూన్' అని రాసిన ఓ కార్డును స్వయంగా తయారు చేసి తనను తీసుకెళ్లడానికి స్కూలుకు వచ్చిన తల్లికి అందజేసింది. కూతురు నుండి ఆ కార్డు అందుకున్నవెంటేనే....ఐష్ మనసు ఆనందంతో పొంగిపోయింది. కూతురును గుండెలకు హత్తుకుంది. ఆనందంతో ఆమెకు కన్నీరు ఆగలేదట.

పిల్లలు చేసే ఇలాంటి పనులు ప్రతి తల్లిదండ్రులందరికీ ఏదో ఒక సందర్భంలో ఎదురయ్యే ఉంటాయి. ఆ సమయంలో వారి ఆనందానికి అవధులు ఉండవు. ఇపుడు అలాంటి అనుభూతులను తల్లిగా ఐశ్వర్యరాయ్ ఆస్వాదిస్తోంది. స్లైడ్ షోలో ఐశ్వర్యరాయ్ నటిస్తున్న సరబ్జీత్ చిత్రం విశేషాలు, ఫోటోలు...

కూతురుతో ఐష్

తన ముద్దుల కూతురుతో కలిసి ఐశ్వర్యరాయ్.

సరబ్జీత్

పాకిస్థాన్ జైల్లో ఇరవైమూడు సంవత్సరాల పాటు బందీగా వుండి హత్యకు గురైన భారతీయ ఖైదీ సరబ్జీత్‌సింగ్ నిజ జీవితకథతో దర్శకుడు ఓమంగ్‌కుమార్ (మేరీకోమ్ ఫేమ్) ‘సరబ్జీత్‌' చిత్రాన్ని తెరకెక్కిస్తున్న సంగతి తెలిసిందే. ఇందులో సరబ్జీత్‌సింగ్ పాత్రలో బాలీవుడ్ నటుడు రణదీప్ హుడా నటిస్తున్నాడు. ఆమె సోదరి దల్బీర్‌కౌర్ పాత్రలో ఐశ్వర్యరాయ్ మెయిన్ రోల్ చేస్తోంది.