హీరో బాలాదిత్య ఓ ఇంటివాడయ్యాడు (వెడ్డింగ్ రిప్షన్ ఫోటోస్)

By Bojja Kumar

Published: Sunday, August 14, 2016, 10:59 [IST]

హైదరాబాద్: బాలాదిత్య తెలుగు వారికి పరిచయం అక్కర్లేని నటుడు. బాల నటుడిగా కెరీర్ ప్రారంభించి... చంటిగాడు సినిమాతో హీరోగా మారిన ఆయన తాజాగా ఓ ఇంటివాడయ్యాడు. ఆగస్ట్ 6న వైజాగ్‌లో మానస అనే అమ్మాయితో బాలాదిత్య వివాహం జరిగింది.

ఆగస్టు 12న హైదరాబాద్‌లోని తాజ్ మహల్ హోటల్‌లో సినీ ప్రముఖులు, సన్నిహితుల మధ్య గ్రాండ్ గా వెడ్డింగ్ రిసెప్షన్ జరిగింది. ఈ వేడుకకు పలువురు సినీ ప్రముఖులు హాజరై, నూతన దంపతులకు శుభాకాంక్షలు తెలిపారు.

బాల నటుడిగా పలువురు స్టార్ హీరోల సినిమాలో నటించి మంచి పేరు తెచ్చుకున్న బాలాదిత్య హీరోగా చంటిగాడు, రూమ్ మేట్స్, 1940లో ఒక గ్రామం, సుందరానికి తొందరెక్కువ లాంటి చిత్రాల్లో బాలాదిత్య నటించారు. అయితే హీరోగా రంగప్రవేశం చేసిన బాలాదిత్య ఆశించిన మేర సక్సెస్ అందుకోలేకపోయాడు.

ప్రస్తుతం బాలాదిత్య ఓ టీవీ క్విజ్ షోకి యాంకర్‌గా చేస్తున్నారు. దీంతో పాటు డబ్బింగ్ కళాకారుడు, వ్యాఖ్యాత, గేయ రచయితగా కూడా అవకాశాల అందిపుచ్చుకుంటూ ముందుకు సాగుతున్నాడు. స్లైడ్ షోలో బాలాదిత్య వివాహానికి సంబంధించిన ఫోటోస్..