ఆది న్యూ మూవీ ‘గరం’ (ఫోటోస్)

ఆది

ఆది మాట్లాడుతూ ''టైటిల్ చాలా హాట్‌గా ఉంది. స్క్రీన్ ప్లే చాలా కొత్తగా ఉంటుంది. సంభాషణలు కూడా చాలా బాగుంటాయి. శ్రీనివాస్ మంచి కథ ఇచ్చారు. ఈ చిత్రం ఘనవిజయం సాధిస్తుందనే నమ్మకం ఉంది'' అన్నారు.

దర్శకుడు మాట్లాడుతూ..

మదన్ మాట్లాడుతూ ...'నా అసిస్టెంట్ డైరెక్టర్ శ్రీనివాస్ ఈ కథ అందించారు. చాలా బాగుంది. నిర్మాతకు ఇది తొలి సినిమా అయినప్పటికీ ఫిలిం మేకింగ్ మీద చాలా క్లారిటీ ఉంది. సమస్యలను అలవోక గా అధిగమించి ముందుకు సాగే ఓ కుర్రాడి కథ ఇది. ప్రేమతో దేన్నయినా సాధించొచ్చన్నది ప్రధాన ఇతివృత్తం. వినోద ప్రధానంగా సాగే చిత్రం ఇది'' అని తెలిపారు.

నిర్మాత రాజ్ కుమార్ మాట్లాడుతూ

- ''మా సంస్థలో రూపొందుతోన్న తొలి చిత్రం ఇది. ఆదికి ఇది ఏడవ చిత్రం. కథ చాలా బాగా నచ్చింది. ఇప్పటివరకు మదన్ చేసిన సినిమాలన్నీ వినూత్నంగా ఉంటాయి. ఈ చిత్రం ఇంకా వినూత్నంగా ఉండటంతో పాటు కమర్షియల్ గా కూడా ఉంటుంది' అన్నారు.

రెగ్యులర్ షూటింగ్

సెప్టెంబర్ 15నుంచి ఈ చిత్రం రెగ్యులర్ షూటింగ్ ప్రారంభం కానుంది. అక్టోబర్‌లో ఓ వారం గ్యాప్ తీసుకుని రెండో షెడ్యూల్ ఆరంభించనున్నారు. మూడు పాటలను ఫారిన్ లో చిత్రీకరించడానికి ప్లాన్ చేస్తున్నారు.

రిలీజ్ డేట్

ఈచిత్రం అన్ని కార్యక్రమాలను పూర్తి చేసి డిసెంబర్ రెండు లేదా మూడో వారంలో విడుదల చేయడానికి ప్లాన్ చేస్తున్నారు.

తెర వెనక

ఈ చిత్రానికి కథ, మాటలు - శ్రీనివాస్ గవిరెడ్డి, కెమెరా - సురేందర్ రెడ్డి.టి, సంగీతం - ఆగస్త్య, కళ - నాగేంద్ర, ఎడిటింగ్ - కార్తీక్ శ్రీనివాస్, ఎగ్జిక్యూటివ్ నిర్మాత - బి.నాగిరెడ్డి, లైన్ ప్రొడ్యూసర్: హరికృష్ణ జి., కో-డైరెక్టర్ - అనిల్, స్ర్కీన్ ప్లే, దర్శకత్వం - మదన్.