»   » అటు 'కొమరం పులి'..ఇటు 'కొమరం భీమ్‌'

అటు 'కొమరం పులి'..ఇటు 'కొమరం భీమ్‌'

Posted By:
Subscribe to Filmibeat Telugu

పవన్ కళ్యాణ్ ప్రతిష్టాత్మకంగా రూపొందిస్తున్న కొమరం పులి చిత్రం ఓ ప్రక్క రిలీజ్ అవుతూంటే...మరో ప్రక్క నిజ జీవిత చరిత్రగా రూపొందిన 'కొమరం భీమ్‌' చిత్రం కూడా వచ్చే నెలలో రిలీజ్ కానుంది. ఆదిలాబాద్‌ జిల్లాలో గిరిజనుల హక్కుల కోసం తపించిన వ్యక్తి జీవితం 'కొమరం భీమ్‌'. దాదాపు ఇరవయ్యేళ్ల కిందటే ఈ చిత్రం రెడీ అయ్యింది. అలాగే 1990లో 'కొమరం భీమ్‌' చిత్రానికి రెండు నంది అవార్డులొచ్చాయి. అయితే విడుదలలో జాప్యం చోటు చేసుకొని ఇన్నాళ్ళకు విముక్తి లభించింది. ఈ సందర్భంగా దర్శకుడు అల్లాణి శ్రీధర్‌ మాట్లాడుతూ "పలు కారణాల వల్ల ఇన్నాళ్ళు విడుదలకు నోచుకోని ఈ చిత్రాన్ని గిరిజన సంక్షేమ శాఖ సహకారంతో ఎఫ్‌డీసీ, కొమరం భీమ్‌ ఫౌండేషన్‌లు విడుదల చేయడానికి ముందుకొచ్చాయి. వచ్చే నెల ప్రథమార్ధంలో చిత్రాన్ని ప్రేక్షకుల ముందుకు తీసుకొస్తాము"అన్నారు. ఇక ఈ చిత్రంలో భీమ్ ‌గా భూపాల్ ‌రెడ్డి నటించారు. సంగీతం..గౌతమ్‌ ఘోష్‌. ఇక పవన్ కళ్యాణ్ కొమురం పులి చిత్రాన్ని ప్రముఖ తమిళ దర్శకుడు ఎస్.జె.సూర్య డైరక్ట్ చేస్తున్నారు. ఆస్కార్ విజేత ఎ.ఆర్.రహమాన్ సంగీతం అందిస్తున్నారు. నిఖితా పటేల్ హీరోయిన్ గా చేస్తోంది. ఈ చిత్రంలో పవన్‌ కళ్యాణ్‌ మొట్ట మొదటిసారిగా పోలీసాఫీసర్‌గా నటిస్తున్నారు. అంతే కాకుండా ద్విపాత్రాభినయం కూడా చేస్తున్నారు. అలాగే 'కొమరం పులి', 'కొమరం భీమ్‌' టైటిల్స్ ఒకేలా ఉండటం కొంత కన్ఫూజ్ అవుతారని అనుమానపడుతున్నారు.

Please Wait while comments are loading...