మెగాస్టార్ ఇంట్లో దీపావళి సంబరాలు-సినీస్టార్స్ సందడి (ఫోటోస్)

By Bojja Kumar

Updated: Thursday, November 12, 2015, 13:03 [IST]

మెంబై: బాలీవుడ్ మెగాస్టార్ అమితాబ్ బచ్చన్ ఇంట్లో ప్రతి సంవత్సరం జరిగినట్లే ఈ సారి కూడా గ్రాండ్ గా దీపావళి సెలబ్రేషన్స్ జరిగాయి. ఈ వేడుకకు బాలీవుడ్ తారలు శిల్పా శెట్టి, హృతిక్ రోషన్, సోనాక్షి, ప్రీతి జింతా, టబు, సిని అగర్వాల్, మనీష్ మల్హోత్రా తదితరులు హాజరై సందడి చేసారు. ఈ వేడుకలో బిగ్ బి కోడలు ఐశ్వర్యరాయ్ సాంప్రదాయ దుస్తుల్లో స్టన్నింగ్ లుక్ తో ఆకట్టుకుంది.

కరణ్ జోహార్ దర్శకత్వంలో తెరకెక్కుతున్న ‘యే దిల్ హై ముష్కిల్' షూటింగులో భాగంగా లండన్ లో ఉన్న ఐశ్వర్యరాయ్ ప్రత్యేకంగా దీపావళి సెలబ్రేషన్స్ కోసం ఇండియా తిరిగి వచ్చారు. కుటుంబ సభ్యులు, స్నేహితుల మధ్య ఎంతో ఆనందంగా వేడుకలో పాల్గొన్నారు.

దీపావళి సెలబ్రేషన్స్ సందర్భంగా ఐశ్వర్యరాయ్ ఓ ప్రముఖ ఆంగ్ల పత్రికతో మాట్లాడుతూ...‘మా ఇంట్లో ప్రతి సంవత్సరం ఎంతో ఘనంగా దీపావళి వేడుక జరుగుతుంది. ఈ సమయంలో అంతా ఎక్కడున్న తప్పుకుండా ఈ వేడుకలకు హాజరవుతాం' అని వెల్లడించారు.

ఇంకా మాట్లాడుతూ...‘మా ఫ్యామిలీ మెంబర్స్ అంతా ఎవరి షెడ్యూల్స్ లో వారు తలమునకలై ఉన్నాం. దీపావళి అంటే మాత్రం తప్పకుండా రావడానికి మాగ్జిమమ్ ట్రై చేసాం. ఒక్కోసారి రావడానికి సాధ్యం కాకపోవచ్చు. బట్ వి ట్రై అవర్ బెస్ట్' అని చెప్పుకొచ్చారు.

బచ్చన్ ఫ్యామిలీలో దీపావళి సెలబ్రేషన్స్ కి సంబంధించిన ఏర్పాట్లన్నీ జయా బచ్చన్ దగ్గరుండి చూసుకుంటారు. అలంకరణ దగ్గర నుండి అతిథుల కోసం స్పెషల్ మెను వరకు ఆమె అన్ని ఏర్పాట్లను పర్యవేక్షిస్తుంటారు. గతంలో బచ్చన్ ఫ్యామిలీలో జరిగే దీపావళి వేడుకల్లో షారుక్ ఖాన్, అమీర్ ఖాన్, దీపిక పదుకోన్, కంగనా రనౌత్, సోనమ్ కపూర్ తదితరులు కూడా కనిపించేవారు. సచిన్ టెండూల్కర్ సైతం హాజరయ్యేవారు. అయితే ఈ సారి మాత్రం స్టార్స్ తక్కువగానే కనిపించారు.