వివేకం కలెక్షన్ల సునామీ... 200 కోట్ల వైపు పరుగు

150 కోట్ల వసూళ్లు...

వివేకం చిత్ర వసూళ్లు సినీ పండితులను ఆశ్చర్యానికి గురి చేస్తున్నాయి. విడుదలైన కొత్త చిత్రాలకు ధీటుగా కలెక్షన్లు సాధిస్తూ వివేకం రూ. 150 కోట్లు వసూళ్లు చేసినట్లు ట్రేడ్ అనలిస్టులు వెల్లడించారు. తమిళ చిత్ర పరిశ్రమలో ఇటీవల విడుదలైన తాజా చిత్రాల్లో వివేకం నాలుగో స్థానంలో కొనసాగుతోంది.

జీఎస్టీ తర్వాత 100 కోట్లు...

భారీ అంచనాల మధ్య విడుదలైన వివేకం చిత్రం పలు వర్గాల ప్రేక్షకులను నిరాశపరిచింది. అయినా వసూళ్ల పరంగా చూస్తే అజిత్ జోరు ఏ మాత్రం తగ్గలేదని స్పష్టమైంది. జీఎస్టీ తర్వాత 100 కోట్ల క్లబ్ లో చేరిన తొలి చిత్రంగా వివేకం రికార్డు క్రియేట్ చేసింది.

బాహుబలి రికార్డులకు చెక్...

తొలివారం ముగిసేనాటికి వివేకం రూ. 100 కోట్ల మైలు రాయిని సునాయాసంగా అధిగమించింది. అత్యంత సాంకేతిక విలువలతో రూపొందించిన ఈ చిత్రం అజిత్ స్టామినాకు అద్దం పట్టింది. అంతేకాకుండా చెన్నైలో బాహుబలి నెలకొల్పిన రికార్డులను తిరగరాసింది.

200 కోట్ల క్లబ్ వైపు...

వివేకం విడుదలై నాలుగు వారాలు గడిచినా కలెక్షన్ల ప్రవాహం జోరుగా సాగుతున్నది. వందకోట్ల వసూళ్లు చేసిన కొద్ది రోజులకే రూ. 150 కోట్ల మైలురాయిని అధిగమించడం తమిళ చిత్ర పరిశ్రమను కుదిపేస్తుంది. వివేకం జోరు చూస్తుంటే రూ. 200 కోట్ల క్లబ్ లో చేరడం ఖాయమనిపిస్తుంది.

నాలుగో స్థానంలో...

తమిళ చిత్ర పరిశ్రమలో జోరును కొనసాగిస్తున్న చిత్రాల్లో ఐటీ నెంబర్ వన్ స్థానంలో ఉంది. ఆ తర్వాత స్థానాల్లో వరుసగా... కథనాయగన్, నెర్పుడా, వివేకం, యుద్ధం శరణం కొనసాగుతున్నాయి.

ఐటీకి ధీటుగా...

ఇటీవల విడుదలైన హాలీవుడ్ హరర్ చిత్రం ఐటీ ప్రేక్షకులను విశేషంగా ఆకర్షిస్తుంది. ఈ చిత్రం స్టిఫెన్ కింగ్ అనే రచయిత రాసిన పుస్తకం ఆధారంగా తెరకెక్కింది. ఈ చిత్రం థియేటర్లలో ప్రేక్షకులను కొత్త అనుభూతిని కలిగిస్తుంది. ఈ చిత్రానికి ధీటుగా వివేకం వసూళ్లు రాబట్టడం విశేషం.