హీరో కావాలనుకుందే ఆయన్ని చూసి.. గబ్బర్ సింగ్‌తోనే గుర్తింపు.. ఆకాష్ పూరి!

నేహాతో కెమిస్ట్రీ

ఈ చిత్రంలో నేహా శెట్టి, తనకు మధ్య కెమిస్ట్రీ బావుంటుందని ఆకాష్ పూరి తెలిపాడు. క్లైమాక్స్ సన్నివేశాలో ఇద్దరం చాలా కష్టపడ్డామని ఆకాష్ తెలిపాడు. నాన్నగారి దర్శకత్వంలో ఇబ్బంది పడ్డ సందర్భాలు లేవని, ఆయన చెప్పింది చెప్పినట్లు చేసానని ఆకాష్ తెలిపాడు.

ఆయన్ని చూసే హీరో కావాలనుకున్నా

నాన్న, రవితేజ గారు ఇద్దరూ మంచి స్నేహితులు. నాన్నగారితో రవితేజగారిని ఇట్లు శ్రావణి సుబ్రహ్మణ్యం నుంచి చూస్తున్నా. రవితేజ గారు, నాన్నగారి కాంబినేషన్లో ఇడియట్, అమ్మానాన్న ఓ తమిళ అమ్మాయి వంటి సూపర్ హిట్ చిత్రాలు వచ్చాయి. చిన్నప్పటి నుంచి రవితేజ గారిని దగ్గరగా చూసా. రవితేజ వలనే తాను హీరో కావాలని భావించానని ఆకాష్ తెలిపాడు.

రాంచరణ్‌తో పాటు నేను కూడా

చిరుత చిత్రం మెగా పవర్ స్టార్ రాంచరణ్ కు తొలి చిత్రం. ఆ చిత్రంతోనే ఆయన లాంచ్ అయ్యారు. తనకి కూడా చిరుతే తొలి చిత్రం కావడం అత్యంత సంతోషించదగ్గ విషయం అని అన్నారు. అంతకు ముందే ఆంధ్రావాలా, పోకిరి వంటి చిత్రాలలో తాను నటించాల్సి ఉండిందని కానీ అది జరగలేదని ఆకాష్ తెలిపాడు.

తొలి పారితోషకం

తాను నటుడిగా తొలి పారితోషకం అందుకున్న చిత్రం ధోని అని ఆకాష్ తెలిపాడు. ఆ చిత్రంలో నటించినందుకు ప్రకాష్ రాజ్ తనకు రూ లక్ష రూపాయలు ఇచ్చారని ఆకాష్ పూరి తెలిపారు. నాన్న గారి దగ్గర అసిస్టెంట్ డైరెక్టర్ గా పని చేస్తున్నపుడు నెలకు 10 వేలు జీతం ఇచ్చారని గుర్తు చేసుకున్నారు.

గబ్బర్ సింగ్ వలనే

తాను చైల్డ్ అరిటిస్టుగా ఎన్ని చిత్రాల్లో నటించినా రాని గుర్తింపు పవన్ కళ్యాణ్ గబ్బర్ సింగ్ చిత్రంతో వచ్చిందని ఆకాష్ పూరి అన్నారు. అందుకు హరీష్ శంకర్ గారికి కృతజ్ఞతలు అని ఆకాష్ తెలిపాడు. గబ్బర్ సింగ్ చిత్రంలో పాత్ర ఉంది, పవన్ కళ్యాణ్ చిన్ననాటి పా