ప్రాణ్... ఆల్ టైం బెస్ట్ మూవీస్ (ఫోటో ఫీచర్)

1958లో విడుదలైన ‘మధుమతి' చిత్రానికి బిమల్ రాయ్ దర్శకత్వం వహించారు. ఈచిత్రానికి రచన రిథ్విక్ ఘటక్, రాజేందర్ సింగ్ బేడి. ఈ చిత్రంలో ప్రాణ్ ఒక క్రూరమైన, పొగరుబోతు క్యారెక్టర్ తనదైన శైలిలో పోషించారు. ఈచిత్రంలో ఆయన రాజా ఉగ్రనారాయణ్‌గా కనిపించారు.

1962లో కిషోర్ కుమార్, మధుబాల, హెలెన్, ప్రాణ్ ప్రధాన పాత్ర ధారులుగా రూపొందిన బాలీవుడ్ క్లాసిక్ చిత్రం ‘హాఫ్ టికెట్'. కాలిదాసు ఈచిత్రానికి దర్శకత్వం వహించారు.ఈ చిత్రంలో ప్రాణ్ సంచలనాత్మక దొంగ పాత్రలో నటించారు. ఇందులో ఆయన పాత్రపేరు రాజాబాబు అలియాస్ చాచా.

మనోజ్ కుమార్ దర్శకత్వంలో 1967లో వచ్చిన చిత్రం ఉప్‌కార్. మనోజ్ కుమార్, ఆశా పారెక్, ప్రేమ్ చోప్రా ముఖ్య తారాగణం. ఆసక్తికరంగా ఈ చిత్రంలో ప్రాణ్ పాజిటివ్ పాత్రలో నటించారు. ఈ చిత్రంలో ఆయన ఓ రైతు పాత్రలో నటించి మంచి మార్కులు కొట్టేసాడు.

అమితాబ్ బచ్చన్ హీరోగా నటించిన బాలీవుడ్ హిట్ మూవీ ‘జంజీర్'. చిత్రంలో ప్రాణ్ షేర్ ఖాన్ పాత్రలో నటించారు. ఈ చిత్రంలో ప్రాణ్ పోషిచిన పాత్రకు మంచి పేరొచ్చింది. ప్రస్తుతం ఈచిత్రానికి రీమేక్ గా రూపొందిన జంజర్ లో షేర్ ఖాన్ పాత్రను సంజయ్ దత్ పోషించారు.

మన్మోహన్ దేశాయ్ దర్శకత్వంలో వచ్చిన బాలీవుడ్ మల్టీస్టారర్ మూవీ ‘అమర్ అక్బర్ ఆంటోనీ'. అమితాబ్ బచ్చన్, వినోద్ ఖన్నా, రిషి కపూర్, పర్వీన్ బాబి, నీతు సింగ్, షబానా అజ్మి ముఖ్య పాత్రల్లో నటించారు. ఈచిత్రంలో ముగ్గురు హీరోల తండ్రి పాత్రలో నటించాడు.

1988లో వచ్చిన సూపర్ హీరో మూవీ ‘షెహన్‌షా'. తిను ఆనందన్ ఈ చిత్రానికి దర్శకత్వం వహించగా...అమితాబ్ బచ్చన్, జయా బాదురి, మీనాక్షి షేహాద్రి లీడ్ రోల్స్ పోషించారు. ఈ చిత్రంలో ప్రాణ్ నిజాయితీగల దొంగ పాత్రలో నటించారు. ఈ చితక్రంలో ఆయన పాత్ర పేరు అస్లామ్ ఖాన్.