నీలికళ్ళు, నల్లని మచ్చలు: ఒళ్ళు జలదరించేలా అనుష్క లుక్

పరి ఫస్ట్‌లుక్‌

అనుష్క "పరి" ఫస్ట్‌లుక్‌ను ట్విటర్‌ ద్వారా విడుదల చేసింది.ఈ పోస్టర్ లో ఆమె లుక్ డిఫరెంట్ గా .. భయాన్ని కలిగించేలా వుంది. ఆమె ఈ సినిమాలో దెయ్యంగా కనిపించి భయపెట్టబోతోందని కొంతమంది అంటుంటే, మానసిక రోగిగా కనిపించనుందని మరికొంత మంది అంటున్నారు.

సినిమాపై ఆసక్తిపెరిగింది

మొత్తానికి ఈ పోస్టర్ తో ఈ సినిమాపై అనుష్క ఆసక్తిని రేకెత్తించిందనే చెప్పాలి. ఎప్పుడూ గ్లామరస్‌గా తెరపై ఆకట్టుకున్న అనుష్క ఉన్నట్టుండి ఇలాంటి గెటప్‌ వేయడంతో ఈ సినిమాపై ఆసక్తిపెరిగింది. ఈ చిత్రానికి ప్రోసిత్‌ రాయ్‌ దర్శకత్వం వహిస్తున్నారు. ఈ విషయమై అనుష్క మాట్లాడుతూ..

జాబ్ హ్యారి మెట్ సెజల్

పరి మూవీ స్క్రిప్ట్ అద్భుతంగా ఉంది. డైరెక్టర్ అంచనాలు, విజన్‌కు అనుగుణంగా సినిమాలో నటించేందుకు రెడీగా ఉన్నా. ఈ సినిమా కోసం క్రిఆర్జ్ ఎంటర్‌టైన్‌మెంట్ సంస్థతో పనిచేయడం ఆనందంగా ఉందని చెప్పకొచ్చింది. ఇతర సినిమాల విషయానికొస్తే.. అనుష్క షారుక్ జంటగా నటిస్తున్న సినిమా ‘జబ్ హ్యారి మెట్ సెజల్' విడుదలకు సిద్దంగా ఉంది. ఈ సినిమా ప్రమోషన్లు తరువాత పరి షూటింగ్ ఉంటుంది అని చెబుతున్నారు.

భయంకరంగా కనిపిస్తోంది

ప్రస్తుతానికి వస్తే ఈ "పరి" లుక్ చూస్తూంటే అనుష్క భయపెట్టేందుకు సిద్ధమవుతోందని అర్ధమవుతోంది. నీలికళ్లతో, మొహమంతా నల్లని మచ్చలతో భయంకరంగా కనిపిస్తోంది అనుష్క. పరంబ్రతా ఛటర్జీ కీలక పాత్రలో నటిస్తున్నాడు. దయ్యం కాన్సెప్టే కాకుండా ఈ సినిమాలో కొన్ని ఇంపార్టెంట్‌ సామాజిక అంశాల్ని కూడా హైలైట్‌ చేయనున్నారట.

అంచనాలు భారీగా ఉన్నాయి

విలక్షణ పాత్రలకు అనుష్క ఎప్పుడూ ముందుంటుంది. బాలీవుడ్‌లో వరుస విజయాలతో సక్సెస్‌ఫుల్‌ హీరోయిన్‌గా దూసుకెళ్లిపోతోంది ఈ ముద్దుగుమ్మ. అనుష్క లుక్‌ చూస్తుంటే తాజా చిత్రంపై కూడా అంచనాలు భారీగా నెలకొన్నాయి. ఈ సినిమా కూడా కమర్షియల్ గా నిలబడిందంటే అనుష్క సినీ నిర్మాణం పై మరింత సీరియస్ గా దృష్టి పెట్టే ఆలోచనలో ఉందట.