"సూపర్" హీరోయిన్ ఇలా అయిపోయిందేమిటీ??? వికటించిన ప్లాస్టిక్ సర్జరీ

ముద్దుగా బొద్దుగా ఉన్న ఆయేషా ట‌కియా అంద‌రికీ గుర్తుండే ఉంటుంది. బాలీవుడ్‌లో కొన్ని సినిమాలు న‌టించింది. తెలుగులో కూడా పూరీ జ‌గ‌న్నాథ్ ద‌ర్శ‌క‌త్వంలో వ‌చ్చిన సూప‌ర్‌లో నాగార్జున ప‌క్క‌న న‌టించింది. ఆ చిత్రంలో ఒక రొమాంటిక్ పాత్ర‌లో క‌నిపించి కుర్రాకారును ఉర్రూతలు ఊగించింది.

ఆ త‌రువాత‌, ఆమె తెలుగు సినిమాల‌వైపు తొంగి చూడ‌లేదు. బాలీవుడ్‌లో సూప‌ర్ డూప‌ర్ హిట్ అయిన వాంటెడ్ (పోకిరీ రీమేక్‌)లో స‌ల్మాన్ ఖాన్ ప‌క్క‌న నటించింది. ఆ సినిమా బ్లాక్‌బ‌స్ట‌ర్ అయినా కూడా ఆయేషాకి అవ‌కాశాలు పెద్ద‌గా రాలేదు. 2009లో ఎస్పీ లీడర్‌ అబు ఆజ్మీ కొడుకు ఫర్హాన్ ఆజ్మీని పెళ్లి చేసుకున్న అయేషా ఆ తర్వాత సినిమాలకు దూరమైంది. . పెళ్లయిన తర్వాత అడపాదడపా సోషల్‌ మీడియాలో ఫొటోలతో అభిమానులకు దర్శనమిచ్చిన ఈ అమ్మడు..

తాజాగా గత గురువారం ఓ వేడుకకు హాజరయింది. అక్కడ ఆమెను చూసిన వారు నమ్మలేకపోయారు. పెళ్లయి, ఓ బిడ్డకు తల్లి అయిన అయేషా ఇప్పుడు గుర్తుపట్టలేనంతగా మారిపోయింది. ఒకప్పుడు స్లిమ్‌గా కుందనపు బొమ్మలా సినిమాల్లో అలరించిన ఈ అమ్మడు ఇప్పుడు కాస్తా బొద్దుగా ఏమాత్రం గుర్తుపట్టనంతగా మారిపోవడంతో ఆమె అభిమానులు, బాలీవుడ్‌ వర్గాలు విస్తుపోయారు.

మళ్ళీ వెండితెరపై రీ ఎంట్రీ ఇవ్వాలని భావించిందో ఏమో కాని అయేషా టకియా రీసెంట్ గా ప్లాస్టిక్ సర్జరీ చేయించుకుందట. ఈ సర్జరీ బెడిసి కొట్టడంతో ఈ అమ్మడు గుర్తు పట్టలేనంతగా మారింది. అయినా అదేం పట్టించుకోనట్టు తన బాలీవుడ్ ప్రయత్నాలు మాత్రం ఆప్టం లేదు త్వరలోనే మళ్లీ తెరపై కనిపిస్తానని, ప్రస్తుతం కథలు వింటున్నానని ఈ అమ్మడు చెప్పింది.