మహేష్ బాబు బావ అని తెలిసి అక్కడంతా షాక్... (ఫోటోస్)

By Bojja Kumar

Published: Tuesday, March 15, 2016, 17:56 [IST]

హైదరాబాద్: నిన్న మొన్నటి వరకు బాలీవుడ్లో సుధీర్ బాబు అంటే ఎవరె తెలియదు. బాలీవుడ్ మూవీ 'బాఘీ' ట్రైలర్ విడుదలైన వెంటనే సుధీర్ బాబు ఒక్కసారిగా టాక్ ఆఫ్ ది టౌన్ గా మారిపోయారు. బాఘీ చిత్రంలో సుధీర్ బాబు విలన్ గా నటిస్తున్నాడు. నిన్న విడుదలైన ట్రైలర్ లో సుధీర్ బాబు చేసిన టెర్రిఫిక్ యాక్షన్ సీన్స్ కూడా ఉన్నాయి.

ట్రైలర్ విడుదలైన వెంటనే సుధీర్ బాబు యాక్షన్ సన్నివేశాలు చూసిన వారంతా.....అసలు ఎవరీ సుధీర్ బాబు? అని ఆరాతీయడం మొదలు పెట్టారు. చాలా కాలంగా బాఘీ చిత్రానికి సంబంధించిన న్యూస్ బాలీవుడ్ మీడియాలో వస్తున్నా నిన్న మొన్నటి వరకు సుధీర్ బాబును పట్టించుకున్న పాపాన పోలేదు బాలీవుడ్ మీడియా.

ట్రైలర్ విడుదలైన తర్వాత బాలీవుడ్ మీడియా దృష్టి అంతా ఒక్కసారిగా సుధీర్ బాబు వైపు మళ్లింది. ఇతను మహేష్ బాబుకు స్వయాన బావ అని తెలిసి బాలీవుడ్ ప్రేక్షకులు షాకవుతున్నారు. అప్పుడే అతడికి డెడ్లీ విలన్ అంటూ బిరుదు ఇచ్చేసారు. ట్రైలర్ విడుదలైన వెంటనే సుధీర్ బాబు ట్వీట్ చేసారు. 'ఎక్కడో బాలీవుడ్ లో ఓ ఛాలెంజింగ్ రోల్ కోసం వెతుక్కుంటూ ఓ తెలుగువాడిని తీసుకుపోయారు. మనం ఎవరికీ తక్కువ కాదు'' అంటూ చేసిన ఈ ట్వీట్ ఇప్పుడు అందరిలో హాట్ టాపిక్ గా మారింది.

టైగర్ ష్రాఫ్, శ్రద్ధా కపూర్ హీరో హీరోయిన్లుగా షబ్బీర్ ఖాన్ దర్శకత్వంలో ఈ చిత్రం తెరకెక్కుతోది. సాజిద్ నడియావాలా నిర్మాత. స్లైడ్ షోలో 'బాఘీ' సెట్స్ కు సంబంధించిన ఫోటోస్....