హోమ్

న్యూస్

హైదరాబాద్: సూపర్ హిట్ 'బాహుబలి - ది బిగినింగ్' చిత్రానికి సీక్వెల్ గా రూపొందుతున్న'బాహుబలి: ది కన్‌క్లూజన్‌' ఏప్రిల్ 28న ప్రపంచవ్యాప్తంగా భారీ ఎత్తున రిలీజ్ కానున్న విషయం తెలిసిందే. ప్రపంచ సినీ ప్రియులు ఎంతగానో ఎదురుచూస్తున్న ఈ చిత్రంపై రోజురోజుకూ అంచనాలు పెరుగుతున్నాయి.ఈ నేపధ్యంలో తమదైన శైలి లో చిత్ర ప్రమోషన్స్ మొదలు పెట్టారు దర్శక,నిర్మాతలు.

మొదటి భాగం విజయవంతం కావడంతో రెండో భాగాన్ని మరింత ప్రతిష్టాత్మకంగా తెరకెక్కిస్తున్నాడు దర్శకుడు రాజమౌళి. ఈ సినిమాలో యుద్ధ సన్నివేశాలు అత్యంత అద్భుతంగా ఉంటాయని ఇప్పటికే రాజమౌళి హింట్‌ ఇచ్చాడు.కాగా, 'బాహుబలి: ది కంక్లూజన్‌' ట్రైలర్‌ ఈ నెల 16న విడుదల కాబోతోంది.

అందుతున్న సమాచారం ప్రకారం ఈ ట్రైలర్ తెలుగు రెండు రాష్ట్రాల లోనూ రెండు వందల ధియోటర్స్ లో రిలీజ్ చేయనున్నారు. ఈ మేరకు నిర్మాతలు ...ధియోటర్స్ ని ఫైనలైజ్ చేసారు. ట్రైలర్ ఉదయం 9 గంటల నుంచి పది గంటల దాకా ఎంపిక చేసిన అన్ని ధియోటర్స్ లో ఉచితంగా ప్రదర్శించబడుతుంది. ట్రైలర్ రన్ టైమ్ 2.40 నిమషాలు (ఉజ్జాయింపుగా) ఉండబోతోంది.

రాజమౌళి చెప్పేదాని ప్రకారం.... మార్చి 16న ఉదయం ఈ బాహుబలిః ది కంక్లూజన్ ట్రైలర్ రిలీజవుతుంది. ముఖ్యంగా ఈ ట్రైలర్ ను ఉదయం 10 గంటల సమయానికి రెండు తెలుగు రాష్ట్రాల్లోని అన్ని ధియేటర్లలో రిలీజ్ చేస్తారు తప్పించి.. దీనిని ఆన్ లైన్లో మాత్రం రిలీజ్ చేయరు.

ధియేటర్లలో ట్రైలర్ ను చూసేసిన తరువాత.. అప్పుడు సాయంత్రం 5 గంటలకు యుట్యూబ్ లో రిలీజ్ చేస్తారట. బాహుబలి 1 సినిమా రిలీజ్ సమయంలో కూడా.. ముందుగా ట్రైలర్ ను ధియేటర్లలో వేసిన తరువాతనే యూట్యూబ్ లో పెట్టారు. ఇప్పుడు బాహుబలి 2 విషయంలో కూడా సేమ్ టు సేమ్ అదే ఫాలో అవుతున్నారనమాట.