డబ్బులొచ్చాయి...కాబట్టి మా సినిమా హిట్టే: బాబు బంగారంపై మారుతి

మళ్లీ నాకు ఎనర్జీ వచ్చింది

ఫ్యామిలీ లేడీస్ అంద‌రూ ఫోన్లు చేసి బావుంద‌ని అంటున్నారు. మ‌ళ్లీ నాకు ఎన‌ర్జీ వ‌చ్చింది అని మారుతి తెలిపారు.

ఫస్ట్ వీక్ ఎంత వసూలైంది?

తొలి వారం పూర్తయ్యే సరికి ఈ సినిమా రూ. 16 కోట్లకుపైగా వసూలైనట్లు సమాచారం. ఇందులో రూ. 11 కోట్ల వరకు షేర్ వచ్చినట్లు తెలెస్తోంది.

ఎంతక అమ్మారు?

ఈ సినిమాను ఏపీ, తెలంగాణ రైట్స్ రూ. 25 కోట్ల వరకు అమ్మినట్లు తెలుస్తోంది. మరి ఫుల్ రన్ లో ఈ సినిమా ఎంత వసూలు చేస్తుంది? లాభ నష్టాల వివరాలు మరో వారం తర్వాత తేలనుంది.

వెంక‌టేశ్ మాట్లాడుతూ

``సినిమాను బాగా రిజీవ్ చేసుకున్నారు. బాబు బంగారం సినిమాలో నా బాడీ లాంగ్వేజ్‌, డ్ర‌స్సులు ఎలా ఉండాలో ముందు నుంచీ మారుతి చెబుతున్నాడు. అలాగే తీశాడు. నాతో చేసిన మిగిలిన న‌టీన‌టుల‌కు థాంక్స్. నేను ఏం చేసినా పాజిటివ్ ఎన‌ర్జీతో అభినందించారు``అని చెప్పారు.

బాబు బంగారం మూవీలో క్లైమాక్స్ ఫైట్ గురించి...

రామ్‌-ల‌క్ష్మ‌ణ్ మాట్లాడుతూ ``మా నిర్మాత‌లు బంగారంలాంటివారు. వాళ్ల‌కు ప్రేక్ష‌కులు బంగారంలాంటివారు. వెంక‌టేశ్ బాబు న‌వ్వితే అమ్మాయిల‌కి, కొడితే అబ్బాయిల‌కి న‌చ్చుతాడు. ఆయ‌న‌లాగా అమాయ‌కంగా ఫేస్‌పెట్టి మెప్పించ‌గ‌లిగే హీరో ఇంకెవ‌రూ లేరు`` అని అన్నారు.

పృథ్వి మాట్లాడుతూ

``నేను ఏ సినిమా చేసినా చూసిన సురేశ్‌బాబుగారు బావుంద‌మ్మా అని వెళ్లేవారు. కానీ ఈ సినిమా చూసి బాగా చేశావ్‌రా. జాగ్ర‌త్త‌గా ప్లాన్ చేసుకో అని అన‌డం మ‌ర్చిపోలేను` అని చెప్పారు.

ఫిష్ వెంక‌ట్ మాట్లాడుతూ

``క‌లియుగ పాండ‌వులు నుంచి నేను వెంక‌టేశ్‌గారికి పెద్ద ఫ్యాన్‌ని. ఆయ‌న‌తో ఇలాంటి సినిమాలు చాలా చేయాల‌ని ఉంది`` అని చెప్పారు.

బాబు బంగారం

విక్టరీ వెంకటేష్‌, నయనతార జంటగా ఎస్‌.రాధాకృష్ణ సమర్పణలో సితార ఎంటర్‌టైన్‌మెంట్స్‌ బ్యానర్‌పై మారుతి దర్శకత్వంలో ఎస్‌.నాగవంశీ, పి.డి.వి.ప్రసాద్‌లు నిర్మించిన చిత్రం 'బాబు బంగారం'. ఈ సినిమా ఆగస్ట్‌ 12న విడుదలైంది.