శమంతకమణి ప్రీ రిలీజ్ ఫంక్షన్‌కు బాలకృష్ణ, పూరీ జగన్నాథ్

భవ్యశ్రీ క్రియేషన్ బ్యానర్‌పై ప్రతిష్ఠాత్మకంగా రూపుదిద్దుకొంటున్న మల్టీ స్టారర్ చిత్రం శమంతకమణి చిత్రంపై భారీ అంచనాలు నెలకొంటున్నాయి. ఇటీవల రిలీజైన సినిమా ట్రైలర్‌కు విశేష స్పందన లభిస్తున్నది. ఈ నేపథ్యంలో శమంతకమణి ప్రీ రిలీజ్ ఫంక్షన్‌ను హైదరాబాద్‌లోని జూబ్లీహిల్స్ ప్రాంతంలో ఉన్న జేఆర్సీ కన్సెన్షన్‌లో సోమవారం (జూలై 3 తేదీ సాయంత్రం 6 గంటలకు ) నిర్వహించేందుకు ఏర్పాట్లు చేస్తున్నది.

ఈ కార్యక్రమానికి ముఖ్య అతిథులుగా నటసింహం నందమూరి బాలకృష్ణ, ప్రముఖ దర్శకుడు పూరీ జగన్నాథ్ హాజరుకానున్నారు. ఈ చిత్రంలో నటించిన సుధీర్ బాబు, ఆది, సందీప్ కిషన్, నారా రోహిత్ హాజరవుతున్నారు. ఈ కార్యక్రమంలో శమంతకమణి టీజర్ పోటీ విజేతలకు వారు ఐఫోన్7 మొబైల్ ఫోన్ అందజేస్తారు.