అంత సీన్ లేదు: బిగ్ బాస్ ఇంట్లోకి బాలయ్య, మహేష్ బాబు నో!

బాలయ్య వస్తున్నాడంటూ ప్రచారం

సెప్టెంబర్ 1న బాలయ్య నటించిన ‘పైసా వసూల్' చిత్రం విడుదలవుతుండటంతో సినిమా ప్రమోషన్లో భాగంగా బాలయ్య ‘బిగ్ బాస్' ఇంటికి వస్తాడంటూ ప్రచారం మొదలైంది.

అబ్బాయ్, బాబాయ్ ముచ్చటిస్తారట

‘బిగ్ బాస్' ఇంటికి బాలయ్య వస్తున్నారని, ఈ సందర్భంగా అబ్బాయ్ ఎన్టీఆర్‌తో బాబాయ్ ముచ్చటిస్తారని ఇలా రకరకాలుగా ప్రచారం జరుగుతోంది. అంతే కాదు ‘స్పైడర్' సినిమా ప్రచారానికి మహేష్ బాబు కూడా వస్తాడంటూ పుకార్లు మొదలయ్యాయి.

అంత సీన్ ఉందా?

బాలయ్య, మహేష్ బాబు స్థాయి హీరోలు బిగ్ బాస్ ఇంటికి వచ్చే అవకాశం లేదని తెలుస్తోంది. తెలుగు సినిమా ఇండస్ట్రీలో వాళ్ల స్థాయి వేరని, బిగ్ బాస్ లాంటి షోలకు వచ్చి సినిమా ప్రమోట్ చేసుకునే స్థితిలో వారు లేరని మరికొందరి వాదన.

గతంలో ఏ షోకూ రాలేదు

గతంలో తెలుగు టీవీ రంగంలో చాలా షోలో జరిగాయి. ఆ సమయంలో ఏదైనా సినిమా విడుదలైతే, అందులోని స్టార్లు ఆయా షోలకు, టీవీ ఛానల్స్ చర్చా కార్యక్రమాల్లో కూడా పాల్గొనేవారు. వాళ్లంతా మామూలు స్థాయి హీరోలు. కానీ బాలయ్య, మహేష్ బాబు, పవన్ కళ్యాణ్ లాంటి పెద్ద స్టార్లు గతంలో తమ సినిమా ప్రమోట్ చేసుకోవడానికి ఏ కార్యక్రమానికి, ఏ టీవీ ఛానల్‌కు రాలేదు.