Akhanda: బాలకృష్ణ ఖాతాలో సెన్సేషనల్ రికార్డు.. ఇండియాలోనే ఏకైక హీరోగా ఘనత

Recommended Video

2021 Year Ender : Tollywood Top Gross Collected Movies In 2021

‘అఖండ'గా బాలయ్య అరాచకం

నందమూరి బాలకృష్ణ హీరోగా బోయపాటి శ్రీను రూపొందించిన చిత్రమే 'అఖండ'. ఎంతో ప్రతిష్టాత్మకంగా రూపొందిన ఈ సినిమాను ద్వారకా క్రియేషన్స్ బ్యానర్‌పై మిర్యాల రవీందర్ రెడ్డి నిర్మించాడు. ఈ మూవీలో ప్రగ్యా జైస్వాల్ హీరోయిన్‌గా నటించగా.. శ్రీకాంత్ నెగెటివ్ రోల్‌ను చేశాడు. ఎస్ థమన్ ఈ మూవీకి సంగీతం అందించాడు. ఇది అఖండమైన విజయాన్ని అందుకుంది.

హాఫ్ సెంచరీతో మరో రికార్డ్ కూడా

క్రేజీ కాంబినేషన్‌లో వచ్చిన 'అఖండ' మూవీ ఇటీవలే యాభై రోజులు పూర్తి చేసుకుంది. అది కూడా ఏకంగా 105 సెంటర్లలో ఈ ఫీట్‌ను అందుకుంది. తద్వారా ఈ మధ్య కాలంలో ఎక్కువ థియేటర్లలో యాభై రోజులు ఆడిన చిత్రంగా రికార్డు నమోదు చేసింది. అలాగే, ఈ ప్రయాణంలో హీరో బాలయ్య ఖాతాలో ఎన్నో అరుదైన రికార్డులు కూడా వచ్చి చేరిన సంగతి తెలిసిందే.

కెరీర్ బెస్ట్ కలెక్షన్లతో నయా రికార్డు

బాలయ్య కెరీర్‌లోనే ప్రతిష్టాత్మకంగా రూపొందిన 'అఖండ'కు అంచనాలకు తగ్గట్లే ప్రపంచ వ్యాప్తంగా రూ. 53 కోట్లు బిజినెస్ జరిగినట్లు ట్రేడ్ వర్గాలు తెలిపాయి. దీంతో బ్రేక్ ఈవెన్ టార్గెట్ రూ. 54 కోట్లుగా నమోదైంది. ఇక, ఈ సినిమా 50 రోజుల్లో ప్రపంచ వ్యాప్తంగా రూ. 74.58 కోట్లు వసూలు చేసింది. ఫలితంగా రూ. 20.58 కోట్లు లాభాలను కూడా అందుకుని రికార్డులు నెలకొల్పేసింది.

ఓటీటీలో రిలీజ్... అక్కడా సక్సెస్

'సింహా', 'లెజెండ్' తర్వాత నందమూరి బాలకృష్ణ, బోయపాటి శ్రీను కాంబినేషన్‌లో వచ్చిన చిత్రమే 'అఖండ'. ఎన్నో అంచనాలతో వచ్చి థియేటర్లలో సందడి చేసిన ఈ సినిమా డిజిటల్ స్ట్రీమింగ్ హక్కులను డిస్నీ ప్లస్ హాట్‌స్టార్ సంస్థ అత్యధిక ధరకు సొంతం చేసుకుంది. ఇక, జనవరి 21 నుంచి స్ట్రీమింగ్ అవుతోన్న ఈ మూవీ ఓటీటీలోనూ రికార్డులు బద్దలు కొడుతోంది.

బాలకృష్ణ ఖాతాలో అరుదైన ఘనత

డిస్నీ ప్లస్ హాట్‌స్టార్‌లో స్ట్రీమింగ్ అవుతోన్న 'అఖండ' మూవీ మొదటి రోజే ఎక్కువ వ్యూస్‌ను అందుకున్న చిత్రంగా చరిత్ర సృష్టించిన విషయం తెలిసిందే. తాజాగా ఈ సినిమా మరో రికార్డును కూడా చేరుకుంది. తాజా సమాచారం ప్రకారం.. ఓటీటీలో మొదటి వారంలో ఎక్కువ వ్యూస్ సాధించిన ఏకైక తెలుగు చిత్రంగా ఇది నిలిచిందట. హాట్‌స్టార్‌ ఇది టాప్‌ ప్లేస్‌కు చేరినట్లు తెలిసింది.

నెంబర్ వన్ హీరోగా నిలిచిన స్టార్

దేశ వ్యాప్తంగా డిస్నీ ప్లస్ హాట్‌స్టార్‌లో స్ట్రీమింగ్ అయిన చిత్రాల్లో ఎక్కువ వ్యూస్ సాధించడంతో పాటు ఎక్కువ రోజులు ట్రెండింగ్‌లో నిలిచిన వాటిలో 'అఖండ' మొదటి స్థానంలో ఉందని తెలుస్తోంది. జనవరి 22 నుంచి 29 వరకూ ఈ మూవీ టాప్‌లోనే ఉందట. ఇలా ఎక్కువ రోజులు హవా చూపించిన హీరోగా బాలయ్య ఇండియాలోనే మొదటి స్థానానిక చేరుకున్నాడని టాక్.