బాలకృష్ణ కుమార్తె వివాహం- హైలెట్స్ (ఫోటోలు)

జీలకర్ర - బెల్లం

పూర్తి స్దాయి సంప్రదాయబద్దంగా జరిగిన ఈ వివాహ వేదికలో పెళ్లి కుమారుడు,కుమార్తె...హిందు సంప్రదాయం ప్రకారం జీలకర్ర,బెల్లం తలపై ఒకరినొకరు పెట్టుకున్నప్పుడు...ముహూర్తం సమయానికి ఈ తంతు జరిపిస్తూంటారు.

చిరు ముచ్చట...

బాలకృష్ణకు మిత్రుడైన చిరంజీవి ఇలా పెళ్లి కుమారుడుని పలకరించి ఆశ్వీరదించారు. బాలకృష్ణ చిన్న అల్లుడు బాగున్నాడని ప్రశంసించారు.

ఉంగరం తొడగటం...

పెళ్లి కుమార్తె వేలుకి పెళ్లి కుమారుడు ఉంగరం తొడగటం అనేది ఆచారం. దాన్ని ఈ వివాహంలో ముచ్చటగా పురోహీతులు పెళ్లి పెద్దలు,బంధుమిత్రుల సమక్షంలో జరిపించారు.

వెలిగిపోయింది

ఈ పెళ్లిలో పెళ్లికూరుతు తేజస్విని యువరాణిలా వెలిగిపోయింది. అందరూ ఈ జంటను ముచ్చటైన జంట అని అన్నారు. పెళ్లి పీటలపై ఆమె కాంతులీనుతూ అందరి దృష్టిని ఆకర్షించింది.

ముచ్చట్లు

జీవితాంతం కలిసి ఉండాల్సిన ఈ జంట ఏకమైన ఆ శుభ సమయాన ఇద్దరి ముఖాల్లో ఆనందం వెల్లి విరిసింది. ఇద్దరూ ఈ వివాహానికి ఎంతో ఇష్టపడి చేసుకుంటున్నారనేది స్పష్టమైంది. ఇద్దరు పెళ్లి పీటలపై ముచ్చట్లు ఆడుకున్నారు.

తాళి కట్టు శుభవేళ...

తాళి కట్టడం అనేది..హిందు వివాహ సంప్రదాయంలో అతి ముఖ్యమైన అంశం. ఇద్దరూ జీవితాంతం అన్ని విషయాల్లో తోడుగా ఉంటామని ప్రమాణం చేయించి ఈ తాళి కట్టడం ద్వారా జంటను ఏకం చేస్తారు. ఆ శుభ గడియ ఈ వేదికపై...

ఆశ్వీరిదిస్తూ...

పెళ్లి కుమారుడు కాళ్లకు నమస్కారం చేస్తూ వధువు ..ఆశ్వీరదిస్తున్న వరుడు. ఆమెకు తోడుగా ఉంటానని, వేద మంత్రాల సాక్షిగా చేసే ప్రమాణంలో చేసి తర్వాత ఆమెకు అన్ని సౌబాగ్యాలు కలగాలని దీవిస్తాడు.

అక్షింతలు వేస్తూ...

తనతో జీవితకాలం ఉండబోయే సహచరి చల్లగా నూరేళ్లపాటు ఉండాలని వేద మంత్రాల సాక్షిగా ఆశ్వీరదిస్తూ పెళ్లి కుమారుడు. తల వంచుకుని ఆ ఆనంద క్షణాలు అనుభవిస్తున్న పెళ్లి కుమార్తె.

పెద్దల దీవెనలు...

వివాహ ఘట్టంలో మరో ముఖ్యాంసం పెద్దల దీవెనలు పొంగటం. నిర్ణయించిన శుభ గడియల్లో ఒకటైన ఈ జంట కలకాలం పిల్లా పాపలతో చల్లగా ఉండాలని పెళ్లి కి వచ్చిన పెద్దలు, తల్లి తండ్రులు దీవించటం మన సంప్రదాయం.

తాళిని అందిస్తూ...

పురోహితుడు...పెళ్లికి వచ్చిన వారి మంగళసూత్రాలకు అంటించిన మంగళ సూత్రాన్ని పెళ్లి కుమారుడుకి ఇచ్చి ..కట్టమనటం సంప్రదాయం. దాన్నే ఈ వి వాహంలోనూ తుచ తప్పకుండా పాటించారు.

దీవించటానికి సిద్దం...

శుభ గడియల్లో...కొత్త జంట ఒకటవుతున్న వేళ...వివాహానికి వచ్చిన పెద్దలంతా మనస్పూర్తిగా అక్షింతలతో దీవిస్తారు. అందుకోసమే వారిని పెళ్లికి పిలుస్తారు. అలాగే ఈ పెళ్లికి వచ్చిన వారు కూడా తమ దీవెనెలు ఈ జంటకు అందచేసారు.

పెళ్లంటే ముచ్చట్లు...ఆలింగనాలు ...

తమ బంధువులను,సన్నిహితులను, స్నేహితులను, శ్రేయాభిలాషనులను ఒకే వేదికపై కలిసి ఇలా ఆలింగాలతో ముంచెత్తుతారు. అదే విధమైన సంఘటనలు ఈ పెళ్లిలో ఎక్కడ చూసినా కనపడ్డాయి.

గౌరవం...

పెళ్లికి పిలవటం గొప్ప విషయం కాదు. వచ్చిన వారిని గౌరవంగా ఆహ్వానించి..వారిని సత్కరించి, వారి నుంచి కొత్త జంటకు దీవెనలు ఇప్పించటమే కీలకం. ఈ వివాహంలో బాలకృష్ణ..ఆయన బంధువర్గం ఆ పనిని సమర్ధవంతగా నిర్వహించారు.

జయప్రకాష్ నారాయణ...

ఒకటి సినీ కుటుంబం,మరొకటి రాజకీయ కుటుంబం...దాంతో ఇరు వైపులా లబ్ద ప్రతిష్టులైన వారు ఈ పెళ్లిలో కొలువు తీరారు. పార్టీలకు అతీతంగా మాటలు కలుపుకున్నారు. రకరకాల విషయాలు ముచ్చటించుకున్నారు. అందులో ఇది ఒకటి.