హీరోయిన్ భావన మీద జరిగిన లైంగిక దాడికి... టీవీ యాడ్‌కు లింకు?

టీ బ్రాండ్ యాడ్ హాట్ టాపిక్

ఈ పరిణామాల నేపథ్యంలో ఇటీవల భావన నటించిన ఓ టీ బ్రాండ్‌ ప్రకటన చర్చనీయాంశం అయిది. ఈ యాడ్ లో మహిళలు ఎన్ని ఒడుదుడుకులు ఎదుర్కొన్నా దృఢంగా ఉండాలంటూ ఓ డైలాగ్‌ చెప్తుంది భావన. పరోక్షంగా తనకు జరిగిన దాడిని ఇందులో ప్రస్తావించారనే ప్రచారం జరుగుతోంది.

అవసరమా?

ఈ యాడ్ గురించి ఇపుడు సోషల్ మీడియాలో వాదోపవాదాలు జరుగుతున్నాయి. వాణిజ్య ప్రకటనలో ఆమెకు జరిగిన సంఘటన గురించి పరోక్షంగా ప్రస్తావించడాన్ని కొందరు సమర్థిస్తుండగా, మరికొందరు వ్యతిరేకిస్తున్నారు.

వాళ్లే సిగ్గు పడాలి

ఇటీవల తనపై జరిగిన దాడిపై భావన స్పందిస్తూ...ఇలాంటి ఘటనలు ఎదురైనపుడు బయటపెట్టడానికి భయపడకూడదు. తప్పు చేసినోళ్లకు తప్పించుకునే ఛాన్స్ ఇవ్వకూడదు. ఇలాంటివి ఎదురైతే మహిళలు సిగ్గు పడ కూడదు...నేరం చేసినోళ్లే సిగ్గు పడేలా చేయాలి అని భావన చెప్పుకొచ్చారు.

నాకు న్యాయం జరిగే వరకు పోరాడుతాను

నేను ఈ ఘటనపై మౌనం వహించి ఉంటే నలుగురిలో దీని గురించి మాట్లాడలేదనే అపరాధ భావంతో తల ఎత్తుకోలేక పోయేదాన్ని. తప్పు చేశాననే బాధతో ఎన్నో నిద్రలేని రాత్రులు గడపాల్సి వచ్చేది. అందుకే పోలీసులకు ఫిర్యాదు చేసా, నాకు న్యాయం జరిగే వరకు పోరాడుతాను అని భావన ఈ సందర్భంగా తేల్చి చెప్పారు.