మొన్న విజయ్ దేవరకొండ.. నేడు శేఖర్ కమ్ముల.. అభిజిత్ జోరు మామూలుగా లేదు

ఒక్కొక్కరిని..

బిగ్ బాస్ షో నుంచి విజేతగా బయటకు వచ్చిన అభిజిత్.. ప్రేక్షకుల అభిమానాన్ని చూసి ఎమోషనల్ అయ్యాడు. అలా తనకు ఇంత మద్దతు ఇచ్చిన వారికి సపోర్ట్ చేసిన వారికి థ్యాంక్స్ చెప్పేందుకు వారం మొత్తం కేటాయిస్తాను. మొదటి వారిని కలిశాకే తన మిగతా పనులు చేసుకుంటానని అభిజిత్ చెప్పుకొచ్చాడు.

వరుసగా కలుస్తూ..

మెగా బ్రదర్ నాగబాబుకు అభిజిత్ ఎంతలా మద్దతిచ్చాడో అందరికీ తెలిసిందే. ఈ క్రమంలో నాగబాబును కలిసి కాసేపు ముచ్చటించాడు. అభిజిత్ లాంటి వారిని ఇండస్ట్రీ గుర్తించాలని, అవకాశాలు ఇవ్వాలని నాగబాబు కోరాడు. అభిజిత్ నాగబాబు కలిసి బిగ్ బాస్ ఇంటి విషయాలను చర్చించుకున్నారు.

వెంకీ కుడుములతోనూ..

యంగ్ డైరెక్టర్ వెంకీ కుడుములతోనూ అభిజిత్ కలిసి రచ్చ చేశాడు. అయితే ఈ ఇద్దరూ గతంలో మంచి స్నేహితులను ఇలా చాలా రోజుల తరువాత కలవడంతో అభిజిత్ ఎమోషనల్ అయ్యాడు. నాటి రోజులు గుర్తుకు వస్తున్నాయంటూ అభిజిత్ చెప్పుకొచ్చాడు.

ఆ గ్యాంగ్‌తో..

అభిజిత్ అంటే లైఫ్ ఈజ్ బ్యూటీఫుల్ హీరో అనే అందరికీ తెలుసు. ఇన్నాళ్లకు అభిజిత్‌కు తనకంటూ ఓ గుర్తింపు వచ్చింది. అలా లైఫ్ ఈజ్ బ్యూటీఫుల్ నటీనటులందరితో అభిజిత్ కలిసి రచ్చ చేశాడు. ఇందులో విజయ్ దేవరకొండ, సుధాకర్ కొమాకుల బాగా రచ్చ చేశారు.

ప్రస్తుతం శేఖర్ కమ్ముల..

అయితే అభిజిత్ ఇక్కడి వరకు వచ్చాడంటే అది శేఖర్ కమ్ముల ఇచ్చిన అవకాశం వల్లే. సింప్లిసిటీ, హ్యుమిలీటి, రెస్పెక్ట్.. సినిమాలకంటే ఎక్కువగా నేర్పారు.. థ్యాంక్స్.. మీ శీను.. అంటూ అభిజిత్ శేఖర్ కమ్ముల గురించి చెప్పుకొచ్చాడు.