బిగ్ బాస్ హౌస్ లో నటుడు, క్రికెటర్ సమ్రాట్

Recommended Video

నేచురల్ స్టార్ నాని హోస్ట్‌గా తెలుగు బిగ్ బాస్ సీజన్ 2 ఆదివారం రాత్రి 9 గంటలకు అంగరంగ వైభవంగా ప్రారంభమైంది. యంగ్ టైగర్ ఎన్టీఆర్ హోస్ట్ గా మొదటి సీజన్ సూపర్ హిట్ కావడం, మంచి ఎంటర్టెన్ అందించడం, సెకండ్ సీజన్ పై అంచనాలు పెరిగాయి. ఎన్టీఆర్ స్థానంలో నాని ఎంట్రీ ఇవ్వడం ఈ సారి షో ఎలా ఉండబోతోంది అనే ఆసక్తి అందరిలోనూ నెలకొని ఉంది. 16 మంది కంటెస్టెంట్లతో 106 రోజుల పాటు ఈ షో సాగబోతోంది. గత సీజన్ కంటే మరింత మసాలా దట్టించి తెలుగు రాష్ట్రాల ప్రేక్షకులను ఎంటర్టెన్ చేసేందుకు రంగం సిద్ధమైంది.

13వ సెలబ్రిటీగా సమ్రాట్ రెడ్డి
13 సెలబ్రిటీగా బిగ్ బాస్ హౌస్ లోకి యువ నటుడు, క్రికెటర్ సమ్రాట్ రెడ్డి ప్రవేశించారు. ఇటీవల భార్యతో విభేదాల కారణంగా ఓ వివాదాస్పద కేసు కూడా ఈయనపై నమోదైంది. పలు తెలుగు, తమిళ చిత్రాల్లో నటించారు. బావ, అహ నా పెళ్లంట చిత్రాల్లో సమ్రాట్ నటించారు. మంచు లక్ష్మి ప్రసన్న నటించిన వైఫ్ ఆఫ్ రామ్ చిత్రంలో నటించారు. ఈ చిత్రం త్వరలోనే రిలీజ్ కానున్నది.