రంజుగా సాగుతున్న ‘బిగ్ బాస్’, అందరూ నామినేట్ అయ్యారు!

ఇద్దరి ఏకాభిప్రాయంతో

ఈ సారి ఇద్దరు చొప్పున ఇంటి సభ్యులను పిలిచిన బిగ్ బాస్..... ఇద్దరూ కలిసి ఏకాభిప్రాయంతో మరో ఇద్దరు ఇంటి సభ్యుల పేర్లను నామినేట్ చేయాలని కోరారు. ఇలా వారు చెప్పిన పేర్ల ప్రకారం నవదీప్, ప్రిన్స్, ఆదర్శ్, అర్చన, దీక్ష, ముమైత్ నామినేట్ అయ్యాడు.

ఆదర్శ్‌ను కాపాడిన కెప్టెన్

అయితే ప్రత్యేక అధికారం ఇచ్చి ఒకరిని కాపాడే అవకాశం ఇవ్వడంతో..... కెప్టెన్ హరితేజ తనకు ఎంతో ఇష్టమైన ఆదర్శ్‌ను ఈ వారం ఎలిమినేషన్ రౌండ్ నుండి సేవ్ చేసింది.

కోతి, కోతిని ఆడించేవాడు

బిగ్ బాస్ షో వినోదాత్మకంగా సాగేందుకు బిగ్ బాస్ ఇంటి సభ్యులకు వివిధ టాస్క్‌లు ఇస్తున్న సంగతి తెలిసిందే. ఇందులో భాగంగా కోతిలా హరితేజ, కోతిని ఆడించే వాడిలా శివ బాలాజీ ఎంటర్టెన్ చేశారు.

రిక్షా వాలా జిందాబాద్

ప్రేక్షకులను ఎంటర్టెన్ చేయడంలో భాగంగా బిగ్ బాస్ ఇంటి సభ్యులకు ‘రిక్షా వాలా జిందాబాద్' అనే టాస్క్ ఇచ్చారు. ఇందులో భాగంగా ఇంటి సభ్యులు రిక్షాపై ఆదిలాబాద్, వరంగల్, వైజాగ్, గుంటూరు, కర్నూలు మీదుగా హైదరాబాద్ ప్రయాణించాలి. ఆ ప్రదేశాల్లో స్టే చేసినపుడు అక్కడి సంస్కృతికి అద్దంపట్టే స్కిట్లు చేస్తూ ప్రేక్షకులను ఎంటర్టెన్ చేయాలి.

వినోదాత్మంగా సాగిన టాస్క్

రిక్షా వాలా జిందాబాద్ టాస్క్ ఇంటి సభ్యులు చాలా వినోదాత్మకంగా పూర్తి చేశారు. అదిలాబాద్‌లో గిరిజన తెగల వేషధారణ, నృత్యాలతో అలరించారు. వరంగల్‌లో కాకతీయ సంస్కృతి ప్రతిబింబించేలా రుద్రమదేవి చరిత్రను చెప్పారు. వైజాగ్ లో మత్సకారుల వేషధారణతో స్కిట్, గుంటూరులో మిర్చి ఫ్యాక్టరీ కార్మికుల స్కిట్.... హైదరాబాద్ లో ఇక్కడి సంస్కృతికి అద్దంపట్టే స్కిట్ చేసి అలరించారు.