పనికంటే ప్రాణాలు ముఖ్యం.. నా పరిస్థితి దారుణంగా ఉంది: లాక్‌డౌన్‌పై చిరంజీవి

రెండో విడుత సహాయం అందించాలని

పరిశ్రమలో అవస్థలు పడుతున్న సినీ కార్మికుల కుటుంబాలకు నిత్యావ‌స‌ర వ‌స్తువుల‌ పంపిణీ చేయాల్సిన ప‌రిస్థితులు కనిపిస్తున్నాయి. ఇంకా ఊహించినట్టుగా షూటింగులు మొద‌లుకాకపోవడంతో వేతన కార్మికులేవరికీ ప‌ని లభించడం లేదు. పరిశ్రమలో ఇంకా లాక్‌డౌన్ ప‌రిస్థితులే కొన‌సాగుతున్నాయి. అందుకే అంద‌రికీ నిత్యావ‌స‌ర స‌రుకులు ఇవ్వాల‌ని సీసీసీ క‌మిటీలో నిర్ణ‌యించాం అని మెగాస్టార్ చిరంజీవి తెలిపారు.

నేరుగా ఇంటికే పంపిణీ

తెలంగాణ, హైదరాబాద్‌లో కరోనా పరిస్థితులు అదుపు తప్పడంతో అంద‌రూ ఇళ్ల‌కే ప‌రిమిత‌మై ఎవరూ బయటకు రాలేని పరిస్థితి ఏర్పడింది. కాబ‌ట్టి సీసీసీ వాలంటీర్ల ద్వారా నేరుగా సినీ కార్మికుల కుటుంబాలకు చెందిన ఇళ్ల‌కే వ‌స్తువుల‌ను పంపిణీ చేశాం. క్వాలిటీ విష‌యంలో ఎక్క‌డా కాంప్ర‌మైజ్ కాలేదు. నేను స్వ‌యంగా సరుకుల నాణ్యతను పరిశీలించడమే కాకుండా రుచి కూడా చూశాను. సరుకులను చాలా పొదుపుగా వాడుకోవాలని సూచిస్తున్నాం అని చిరంజీవి అన్నారు.

పని కంటే ప్రాణాలు ముఖ్యం

షూటింగులు ఎప్పుడు ప్రారంభించాలనే విషయంపై క్లారిటీ లేదు. అందరం కలిసి చర్చించుకొన్న తర్వాత అధికారికంగా ఓ ప్రకటన చేస్తాం. షూటింగులు లేకుండా నాకు కూడా విసుగు పుడుతున్నది. ఇంట్లో ఉండలేక బోర్ కొడుతున్నది. నాకే ఇలా ఉండే అందరి పరిస్థితి ఎలా ఉందో ఊహించుకోగలను. త్వరలోనే కరోనా మహమ్మారిని అధిగమిద్దాం. పని ఎంత ముఖ్యమో ప్రాణాలు అంతకంటే ముఖ్యం. కాబట్టి ఈ పరిస్థితుల్లో కుటుంబ సభ్యుల ఆరోగ్యాన్ని జాగ్రత్త వహించండి అంటూ చిరంజీవి సూచించారు.

Recommended Video

Ram Charan & Upasana Celebrates 5 Years Of Wedding

అర్హులైన వారికే సహాయం

నిత్యావసర వస్తువులు అవసరం ఉన్న కార్మికులకే రెండో విడుత అందించాలని నిర్ణయించాం. ఆర్థికంగా నిలకడగా ఉన్న కార్మికులకు గుర్తించి వారి అనుమతితో కొందరికి ఇవ్వకూడదని కమిటీ తీసుకొన్నది. దీని వల్ల అవసరం ఉన్న వారికే లబ్ది చేకూరేలా చర్యలు తీసుకొంటున్నాం. అవసరమైతే మూడో విడుత కూడా నిత్యవసర వస్తువులను అందించాలని కూడా కమిటి అభిప్రాయపడింది. నిత్యవసర సరుకులు అవసరం లేని వారు తీసుకోవద్దని అవసరం ఉన్నవారు మాత్రమే తీసుకుంటే బాగుంటుందని సిసిసి కమిటీ విజ్ఞప్తి చేస్తుందని చెప్పారు.