Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
తారక రాముడి కళ్యాణ శోభలో తళుక్కుమన్నమెగాస్టార్...!
నందమూరి తారక రామారావు వివాహం లక్ష్మీ ప్రణతితో అందరూ కోరుకున్నట్టుగా అతి వైభవంగా సాంప్రదాయ బద్దంగా జరిగింది. తారక రాముడు పెళ్లికి మూడు తరాల సీనియర్, యంగ్, జూనియర్ సినీ తారలన్నీ దిగివచ్చాయి. ఎన్టీఆర్ అభిమానులు ఎందరో వచ్చి అభినందనలు తెలిపారు. సిఎం కిరణ్ కుమార్ రెడ్డి, మాజీ ముఖ్యమంత్రి చంద్రబాబు దీవించారు. ఇంకా బంధువులు, మిత్రులు, 12000వుల మంది వరకూ వివాహ వేడుకల్లో పాల్గొన్నారు. వచ్చిన అతిథులనందరినీ చిరునవ్వుతో పలకరించిన చూడముచ్చటైన అందమైన జంటతో పాటు ముఖ్య అతిథులను చూసుకోవడం కోసం తండ్రి హరికృష్ణ, కూడా ప్రక్కనే ఉన్నారు.
ఎన్టీఆర్ పెళ్లిలో ప్రస్పుటంగా కనిపిస్తున్న అలంకరణలు ఆర్బాటాలతో పాటు శ్రీరామరాజ్యం సినిమా కోసం మీసాలు తీసేసిన బాలకృష్ణ వేదిక మీద ప్రత్యేక ఆకర్ణణలో కనిపించారు. మరో ప్రక్క మెగాస్టార్ చిరంజీవి జూ ఎన్టీఆర్-ప్రణతీలను ఆశీర్వదించారు. అంతే కాదు అక్కినేని నాగేశ్వరరావు, రామానాయుడు, నాగార్జున, రాఘవేంద్రరావు, మురళీమోహన్, మహేష్, రామ్ చరణ్ ....ఇలా చెప్పుకుంటూ పోతే, సినీ పరిశ్రమ మొత్తంగా జూనియర్ పెళ్లికి తరలివచ్చిందనే చెప్పుకోవాలి.
మరో ప్రక్క సాంప్రదాయబద్దంగా పెళ్లి కొడుకు, పెళ్లి కూతురు పరస్పరం నెత్తిమీద జిలకరబెల్లం బెట్టుకోవడం, తలంబ్రాలు పోసుకోవడం, మంగళసూత్ర ధారణ, దండలు మార్చుకోవడం, పెళ్ళి కొడుకు పెళ్లికూతురికి మెట్టెలు తొడగటం, అరుందతీ నక్షత్రాన్ని చూడటం, ఇద్దరూ కలిసి వసంత పాత్రలోంచి బంగారు వెండి ఆభరణాలను పోటీ పడి అందుకోవటంలాంటి వేడుకలతో నయనానందంగా జరిగింన తర్వాత పెళ్లికొడుకు, పెళ్లికూతురు ఒకరి నొకరు కరాచలనం చేసుకుని అభినందించుకున్నారు.
డబ్బు ఉన్న వారెవరైనా ఖర్చుపెడతారు. అదేమీ గొప్పకాదు కానీ, దాన్ని ఖర్చు పెట్టే విధానం, అతిథులను గౌరవించే పద్దతి, కళాత్మకమైన అలంకరణ, ఇవి చాలా ముఖ్యం. వీటిన్నింటినీ మించి అసలు కార్యక్రమమైన వివాహాన్ని సాంప్రదాయ పద్దతులను ముహోర్తాలను దష్టిలో పెట్టుకుని నిర్వహించటం అతి ప్రధానమైన కార్యం. వీటన్నింటికీ న్యాయం చేస్తూ వివాహాన్ని వైభవం తగ్గకుండానే నిర్విఘ్నంగా నిర్వహించటం శ్లాఘనియం.