హోమ్

న్యూస్

మెగాస్టార్ చిరంజీవిని అత్యున్నత నటశిఖరంపై నిలబెట్టిన చిత్రాల్లో ఘరానా మొగుడు ఒకటి. ప్రముఖ దర్శకుడు రాఘవేంద్రరావు డైరెక్షన్‌లో వచ్చిన ఈ చిత్రం రిలీజై ఈ రోజుకు 26 సంవత్సరాలు పూర్తయింది. ఘరానా మొగుడు సినిమా రిలీజైన తొలి ఆట నుంచే బ్లాక్‌బస్టర్ టాక్‌ను సొంతం చేసుకొన్నది. కన్నడ సూపర్‌స్టార్ రాజ్ కుమార్ నటించిన అనురాగ ఆరలితు అనే చిత్రానికి రీమేక్.

బాక్సాఫీస్ వద్ద 10 కోట్లు వసూలు చేసిన మొదటి చిత్రంగా ఘరానా మొగుడు ఓ రికార్డును సొంతం చేసుకొన్నది. ఈ విజయంతో దేశంలోనే అత్యధికంగా రెమ్యునరేషన్ తీసుకొనే నటుడిగా చిరంజీవి ఓ ఖ్యాతిని సంపాదించుకొన్నాడు. ఈ చిత్రంలో 'కొంచెం ఫేస్ లెఫ్ట్ టర్నింగ్ ఇచ్చుకో.. మాస్టారూ అంటూ పలికిన డైలాగ్స్ ప్రేక్షకులను రంజింప చేశాయి.

మెగాస్టార్ సరసన నగ్మా నటించిన ఈ చిత్రం 56 సెంటర్లలో 100 రోజులు పూర్తి చేసుకొన్నది. 1993లో ఇంటర్నేషనల్ ఫిల్మ్ ఫెస్టివల్‌ ఆఫ్ ఇండియాలో ఈ చిత్రాన్ని ప్రదర్శించారు. ఇలాంటి ఏన్నో ఘనతలు పూర్తి చేసుకొన్న ఘరానా మొగుడు చిత్రం చిరంజీవి కెరీర్‌లో ఎన్నో విజయాలకు స్ఫూర్తిగా నిలిచింది.

Mega Star's MEGA BLOCK BUSTER #GharanaMogudu competes 26 years #Chiranjeevi pic.twitter.com/8vijDeU3fh

— BARaju (@baraju_SuperHit) April 9, 2018