Don't Miss!
- Finance Essential Medicines: ఏప్రిల్ 1 నుంచి పెరగనున్న అవసరమైన ఔషధాల ధరలు..
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
చిరు 150 వ చిత్రం మార్చారా..ఈ టైటిలా...పోస్టర్ ఇదేనా?
హైదరాబాద్: చిరంజీవి తన 150 వ చిత్రం టైటిల్ ఏంటనేది గత కొంతకాలంగా అంతటా చర్చనీయాంశంగా మారిన సంగతి తెలిసిందే. ఈ చిత్రానికి మొదట కత్తిలాంటోడు అనే టైటిల్ ని సినిమా ప్రారంభానికి ముందు ఫ్యాన్స్ సమక్షంలో ప్రకటించారు. అయితే రామ్ చరణ్ ఆ మధ్యన ఫేస్ బుక్ లైవ్ లో మాట్లాడుతూ ఆ టైటిల్ ఉండదని తేల్చి చెప్పారు.
అయితే ఇప్పుడు మరో టైటిల్ ప్రచారంలోకి వచ్చింది. ఈ సంగ్ధిదతకు చరమాంకం పాడుతూ చిరు 150వ చిత్రానికి టైటిల్ ప్రకటించినట్లుగా వార్తలు వస్తున్నాయి. ఈ చిత్రానికి టైటిల్ 'నెపోలియన్' అని ధృవీకరిస్తూ 'పోరాటం అతని నైజం' అనే ఉపశీర్షికను జత చేసి వదిలారు.
చిరంజీవి కు చెందిన ఫేస్బుక్ పేజ్లో 'మెగాస్టార్ చిరంజీవి 150వ చిత్రం టైటిల్ ఖరారు' అంటూ టైటిల్కు సంబంధించిన ఫొటోను పోస్ట్ చేశారు. ఆ చిత్రం బ్యాక్గ్రౌండ్లో పొలం దున్నుతున్న రైతు ఫొటోను, చిరంజీవి ఫొటోను ఇచ్చి చిరంజీవి ముఖంపై భూభత్సం, రైతు ఆత్మహత్యలు, ల్యాండ్ మాఫియా వంటి అంశాలకు సంబంధించిన న్యూస్ పేపర్ కటింగ్లను ప్రచురించారు.
ఈ చిత్రంలో ల్యాండ్ మాఫియా, రైతుల ఆత్మహత్యలు వంటి అన్యాయాలకు వ్యతిరేకంగా పోరాడే వ్యక్తిగా చిరు కనిపించనున్నట్లు ఈ ఫొటో ధృవీకరిస్తోంది. తన రీఎంట్రీ ఎలా ఉండబోతుందో ఇప్పటికీ నేరుగా చెప్పని మెగాస్టార్ ఈ పోస్టర్తో విందుకు సిద్ధంగా ఉండాలని తన అభిమానులకు సూచించినట్లుగా ఉందంటున్నారు. అయితే ఇది అభిమానులు డిజైన్ చేసి వదిలిన టైటిల్, పోస్టర్ అనేది తెలియాల్సి ఉంది.
చిరంజీవి 150వ చిత్రంగా ప్రతిష్టాత్మకంగా తెరకెక్కుతున్న ఈ చిత్రాన్ని తమిళంలో విజయవంతమైన 'కత్తి' కథ ఆధారంగా దర్శకుడు వినాయక్ రీమేక్ చేస్తున్న సంగతి తెలిసిందే. ప్రస్తుతం ఈ చిత్ర షూటింగ్ హైదరాబాద్ కు సమీపంలోని 'సింగప్పగూడ' అనే గ్రామంలో జరుగుతోంది. అక్కడ చిరంజీవిపై కొన్ని కీలక సన్నివేశాలను చిత్రీకరిస్తున్నారు.
చిరంజీవి తనయుడు, హీరో రామ్ చరణ్ తేజ్ నిర్మిస్తున్న ఈ చిత్రం రైతుల సమస్యలకు సంబందించిన సందేశాత్మక చిత్రంగా ఉండబోతోంది. ఈ చిత్రానికి మొదట 'కత్తిలాంటోడు' అన్న టైటిల్ పెడతారని వార్త వచ్చినప్పటికీ రామ్ చరణ్ టైటిల్ అదికాదని, కొత్తది ఆలోచిస్తున్నామని తెలిపాడు. ఆలాగే ఈ చిత్రంలో చిరు సరసన హీరోయిన్ ఎవరనేది కూడా ఇంకా నిర్ణయించలేదు. ఇకపోతే వి.వి. వినాయక్ దర్శకత్వం వహిస్తున్న ఈ చిత్రాన్ని 2017 సంక్రాంతి కానుకగా ప్రేక్షకుల ముందుంచాలని మెగా క్యాంప్ నిర్ణయించింది.