అనుకున్నదొకటి అయ్యిందొకటి!! చిరంజీవి సినిమాలో మెహన్ బాబు.. ఇదీ సంగతి

చిరంజీవి కోరిక.. మెగా 152

ఇటీవలే ‘సైరా నరసింహారెడ్డి' సినిమాతో చారిత్రక నేపథ్యంలో ఓ సినిమాలో తీయాలనే తన చిరకాల కోరిక తీర్చుకున్న చిరంజీవి.. ప్రస్తుతం కొరటాల శివ దర్శకత్వంలో తన 152వ సినిమా చేస్తున్నారు. ఇప్పటికే ఈ సినిమా షూటింగ్ ప్రారంభమైంది.

మెహన్ బాబు రోల్.. అంతా కూల్

అయితే ఈ సినిమాలో డైలాగ్ కింగ్ మెహన్ బాబు భాగం కానున్నాడని గత కొన్ని రోజులుగా వార్తలు షికారు చేస్తున్న సంగతి తెలిసిందే. ఇందులో మోహన్ బాబు రోల్ ప్రత్యేక ఆకర్షణ కానుందని టాక్ బయటకొచ్చింది. ఈ నేపథ్యంలో తాజాగా ఈ విషయమై చిత్రయూనిట్ స్పందించింది. మోహన్ బాబు రోల్‌పై క్లారిటీ ఇవ్వడంతో అంతా కూల్ కావాల్సిన పరిస్థితి నెలకొంది.

మోహన్ బాబు- చిరంజీవి.. అనుకున్నదొకటి అయ్యిందొకటి!!

తమ సినిమాలో మోహన్ బాబు నటిస్తున్నాడనే వార్తలు అవాస్తవం అని చల్లగా చెప్పేస్తోంది చిత్రయూనిట్. మోహన్ బాబుకు తగ్గ క్యారెక్టర్ తమ సినిమాలో లేదని, ఒకవేళ ఆయనకు తగ్గ క్యారెక్టర్ ఉంటే తప్పక సంప్రదించే వాళ్లమని పేర్కొన్నారు. దీంతో మోహన్ బాబు- చిరంజీవి స్క్రీన్ స్పేస్ చూడాలని కుతూహల పడిన ఆడియన్స్ అనుకున్నదొకటి అయ్యిందొకటి!! అని తలపట్టుకున్నారు.

చిరంజీవి- కొరటాల.. కాన్సెప్ట్ ఇదే..

ఇకపోతే ఈ సినిమాలో చిరంజీవి సరసన త్రిష హీరోయిన్ గా నటిస్తోంది. ఇప్పటికే చిరంజీవి, త్రిషలపై ఓ పాటను కూడా చిత్రీకరించారు. దేవాలయాలను నిర్లక్ష్యం చేయడం వలన సమాజంపై ఎంత చెడు ప్రభావం పడుతుందనే కాన్సెప్ట్‌తో ఈ సినిమా రూపొందుతోంది. ప్రస్తుతం హైదరాబాద్ పరిసర ప్రాంతాల్లో షూట్ చేస్తున్నారు.

Megastar Chiranjeevi's Decision Worrying Mega Fans ?

ఫ్రెష్ లుక్‌లో చిరు.. రామ్ చరణ్ పాత్ర

ఈ చిత్రంలో దాదాపు ఐదారు కిలోల వరకు బరువు తగ్గిన చిరంజీవి.. వెండితెరపై ఫ్రెష్ లుక్‌లో కనిపించనున్నారు. దేవాదాయ ధర్మాదయ శాఖలో పనిచేసే ఉద్యోగి పాత్రలో ఆయన కనిపించనున్నట్టు సమాచారం. మ్యాట్నీ ఎంటర్టైన్మెంట్‌, కొణిదెల ప్రొడక్షన్స్ సంయుక్తంగా సమర్పిస్తున్న ఈ సినిమాలో రామ్ చరణ్ కూడా గెస్ట్ రోల్ పోషిస్తుండటం విశేషం.