పవన్‌ కూడా నన్ను అడగలేదు:దాసరి (దాసరి పుట్టిన రోజు వేడుక ఫొటోలు)

అప్ డేట్ అవ్వాలి

''దర్శకుడు ఎప్పటికప్పుడు అప్‌డేట్‌ అవుతుండాలి. ఎందుకంటే సృజన ఎప్పుడూ ఆగిపోకూడదు. రాజ్‌కపూర్‌, పుల్లయ్య వీళ్లంతా చనిపోయేంత వరకూ సినిమాలు తీస్తూనే ఉన్నారు. నేనూ అంతే'' అంటున్నారు దాసరి నారాయణరావు.

పవన్ సీరియస్ గా తీసుకున్నాడు

దాసరి - పవన్‌ కల్యాణ్‌ కలయిక.. పరిశ్రమలో చర్చనీయాంశమైపోయింది. అది కేవలం పవన్‌ కల్యాణ్‌ గొప్పతనం. తను నెంబర్‌ వన్‌ స్థానంలో ఉన్న హీరో. తనంతట తానే.. 'మనం కలసి ఓ సినిమా చేయాలి..' అన్నాడు. 'ఏదో మాట వరసకు చెబుతున్నాడులే..' అనుకొన్నా. కానీ.. తను మాత్రం సీరియస్‌గా తీసుకొన్నాడు.

ఆశ్చర్యపరిచింది

ఈరోజుల్లో కూడా పెద్దరికానికి ఇంత గౌరవం ఇచ్చేవాళ్లున్నారా? అనిపించింది. నిజంగా పవన్‌ వ్యక్తిత్వం నన్ను ఆశ్చర్యపరిచింది. చిన్నప్పటి నుంచీ తనని చూస్తూనే ఉన్నా. 'లంకేశ్వరుడు' సినిమా సమయంలో మా మధ్య పరిచయం పెరిగింది.

కుండబద్దలుకొట్టినట్టు...

పవన్ కి దర్శకత్వం అంటే ఆసక్తి. అయితే.. 'పవన్‌ నటుడైతే బాగుంటుంది..' అనిపించేది. అలానే పెద్ద హీరో అయ్యాడు. తనలో నిజాయతీ నాకు బాగా నచ్చింది. ఏదైనా కుండబద్దలుకొట్టినట్టు మాట్లాడుతుంటాడు.

తృప్తి ఉంది..

దర్శకుడిగా నాకు చెప్పలేనంత తృప్తి ఉంది. అది భగవంతుడు నాకిచ్చిన అదృష్టమనుకుంటాను. ఇంతమంది శిష్యులు, చిన్నదైనా ఇంత పెద్ద ప్రపంచం, అందులో నేనో ముఖ్యమైన మనిషిని. అంతకంటే జీవితంలో మనిషికి కావాల్సింది ఏముంది! ఎక్కడో పుట్టి, ఇవాళ ఈ స్థానంలో ఉండటమంటే.. కేవలం రంగస్థలమనే తల్లి చేసిన సాయం. కాకపోతే ఇండస్ట్రీలో వచ్చిన మార్పులు చూస్తుంటే, ఇంకా సినిమాలు తియ్యడం అవసరమా.. అనిపిస్తుంటుంది.

వింటున్నా...

బయటి కథలు వింటున్నా. ఎందుకంటే.. నేను ఫ్లాపులలో ఉన్నాను. పవన్ ... సూపర్‌ హిట్‌ హీరో. తన ఇమేజ్‌నీ కెరీర్‌నీ పణంగా పెట్టి నేను సినిమా చేయలేను. ఎక్కడైనా ఏదైనా పొరపాటు జరిగితే.. అభిమానులు నొచ్చుకొంటారు. పైగా ఈనాటి తరానికి ఏదో కావాలి. నాబోటి వాడు ఇంకేదో ఇస్తానంటాడు.

అలాంటి కథలోనే..

పవన్‌ తరహాలోనే వినోదం, యాక్షన్‌ ఇవన్నీ మేళవించిన కథతోనే ఈ సినిమా ఉంటుంది.

పవన్ అడగలేదు..

పవన్‌కీ ఇటు నాకూ రాజకీయాలతో సంబంధం ఉంది. పొలిటికల్‌ సెటైర్‌ తీయొచ్చు కదా అంటే... దానికి ఇది సమయం కాదు. పవన్‌ కూడా ఆ విషయం నన్ను అడగలేదు. నిజంగా ఇది ఎన్నికల సమయం అయితే..అదే తీద్దునేమో.?

‘జులాయి' పరిస్దితి మారింది..

ఇదివరకు ‘జులాయి' అనే సినిమాని రూ. 22 కోట్లకు కొన్నాం. ఇవాళ అదే హీరో, అదే డైరెక్టర్‌, అదే ప్రొడ్యూసర్‌తో మూడేళ్ల గ్యాప్‌తో వచ్చిన ‘సన్నాఫ్‌ సత్యమూర్తి'కి రూ. 60 కోట్ల పైనే అయ్యింది. ఎక్కడి రూ. 22 కోట్లు, ఎక్కడి రూ. 60 కోట్లు? అంటే దాదాపు మూడు రెట్లు పెరిగింది. ఉదాహరణ కోసమే ఈ సినిమా గురించి చెప్పాను. ఈ ఒక్క సినిమానే కాదు, అన్ని సినిమాలూ ఇదే రేంజ్‌లో వెళ్లాయి.

ప్రొడ్యూసర్స్‌ సిండికేట్‌ గురించి..

కౌన్సిల్‌ను, చాంబర్‌ను నడపాల్సిన వాళ్లే రూల్స్‌ను అతిక్రమించే వాళ్లయ్యారు. అంటే లా క్రియేటర్స్‌ బికమ్‌ లా బ్రేకర్స్‌. ఇప్పుడిప్పుడే వింటున్నాను, వాళ్లు సపరేట్‌ సిండికేట్‌ పెట్టుకుంటున్నారని. ఇండసీ్ట్రలో ఎన్నో వచ్చినయ్‌, ఎన్నో పోయినయ్‌. కానీ ఇండసీ్ట్ర మాత్రం అలాగే ఉంది. ఇండసీ్ట్ర బాగుకోసమే ఈ సిండికేట్‌ పెడితే, అప్పుడు ఆలోచిద్దాం.