ఏది నిజం?: 'కత్తి' తప్పులో కాలేశాడా!, పవన్-త్రివిక్రమ్ తాంత్రిక పూజల లోగుట్టు ఇదేనా?

త్రివిక్రమ్‌కు ఆ దేవుడిపై నమ్మకం ఎక్కువ..:

పశ్చిమగోదావరి జిల్లా ద్వారకా తిరుమల మండలం ఎస్.జగన్నాథపురంలోని లక్ష్మీనరసింహస్వామి ఆలయంలో ప్రతి ఏటా మహా సంపుటిత, శ్రీ జ్వాల నరసింహస్వామి సుదర్శన యాగం నిర్వహించడం ఆనవాయతీ. ఇక్కడి స్వామి వారిపై త్రివిక్రమ్‌కు నమ్మకం ఎక్కువ.

ప్రతీ ఏటా సుదర్శన యాగం.. :

జ్వాల నరసింహస్వామి ఆలయంలో ప్రతీ ఏటా మహాశివరాత్రి ముందు రోజు, మహాశివరాత్రి రోజున సుదర్శన యాగం నిర్వహిస్తుంటారు. దైవ కృప కోసం ప్రతీ ఏటా ఇక్కడ నిర్వహించే యాగానికి త్రివిక్రమ్ హాజరువతారు.

త్రివిక్రమ్‌తో పాటు:

తానొక్కడే కాకుండా.. ఆ సమయంలో తాను వర్క్ చేస్తున్న సినిమా యూనిట్ ను కూడా ఈ యాగానికి త్రివిక్రమ్ ఆహ్వానిస్తారట. అందులో భాగంగానే 2009లో నిర్వహించిన యాగంలో పవన్-త్రివిక్రమ్ పాల్గొన్నారని అంటున్నారు.

సునీల్ కూడా:

2014లో త్రివిక్రమ్ తో పాటు ఈ యాగానికి హీరో సునీల్ కూడా హాజరైనట్లు చెబుతున్నారు. 2009నుంచి క్రమం తప్పకుండా ప్రతీ ఏటా త్రివిక్రమ్ ఇక్కడ యాగం నిర్వహించారట. త్రివిక్రమ్ ఒక్కడే కాదు.. ప్రతీ ఏటా శివరాత్రికి నిర్వహించే సుదర్శన యాగంలో చాలామంది సినీ ప్రముఖులు పాల్గొంటారని అక్కడి పండితులు చెప్పినట్లు తెలుస్తోంది.

ఏది నిజం?:

ఈ కథనం వెలుగులోకి రావడంతో మహేష్ కత్తి చేసిన క్షుద్ర పూజ ఆరోపణల్లో పస లేదని చాలామంది అభిప్రాయపడుతున్నారు. అయితే మహేష్ కత్తి తన వద్ద సాక్ష్యాధారాలు కూడా ఉన్నాయని చెబుతుండటం గమనార్హం. మహేష్ కత్తి సుదర్శన యాగాన్నే క్షుద్ర పూజగా పొరబడ్డారా?.. లేక నిజంగానే బయటకు రాని విషయాలేమైనా ఉన్నాయా? అన్నది వేచి చూడాల్సిందే.