మళ్ళీ కాపీ కేసులో ఇరుక్కున్న దర్శకుడు!

By Staff

Published: Wednesday, March 11, 2026, 14:22 [IST]

ప్రఖ్యాత దర్శకుడు ప్రియదర్శన్ రీమేక్ రైట్స్ లేకుండా ప్రతీసారీ సినిమాలు చుట్టేయటం ఆ తర్వాత గొడవపడటం కామన్ అన్న సంగతి తెలిసిందే. తాజాగా ఆయన నిర్మాతగా మారి ఫొర్ ప్రేమ్స్ పతాకంపై Poi Solla Porom అనే సినిమాని తన శిష్యుడు విజయ్ దర్శకత్వంలో రూపొందిస్తున్నారు.విజయ్ గతంలో అజిత్ హీరోగా కిరీడం అనే సూపర్ హిట్ సినిమాని తీసి ఉన్నారు. అయితే ఇప్పుడు అతను రూపొందిస్తున్నPoi Solla Porom సినిమా బాలీవుడ్ సూపర్ హిట్ కోస్లా కా గోస్లా అనే సినిమాకు ఫ్రీమేక్ అనే విషయం బయిటపడింది. అనుపమ ఖేర్,బొమన్ ఇరానీ ప్రదాన పాత్రలో దీపంకర్ బెనర్జీ తీసిన ఆ సినిమా రియల్టర్ల చేతిలో మోసపోయిన ఏ టీచర్ చుట్టూ తిరుగుతుంది. అనుకోని విధంగా మోసపోయిన ఆయన తన కుమారులతో కలసి ఎలా ముల్లుకు ముల్లు అన్న రీతిలో బుద్ది చెప్పారన్నది కథాంశం.

ఇక ఇప్పడు వారు కోర్టుకెక్కుతామని ప్రియదర్శన్ కి నోటీస్ పంపారుట. దానికాయన స్పందిస్తూ సెటిల్ మెంటుకు తెరతీసారు. ఈ మధ్యనే ఆయన భాగమ్ భాగ్ సినిమాకూ ఈ తరహా కాపీ సమస్య ఎదుర్కొన్నారు.అలాగే ఈ సినిమా టైటిల్ కూడా తానే తమిళ ఫిల్మ్ ప్రొడ్యూసర్స్ కౌన్సిల్ లో రిజస్టర్ చేసుకోగా ప్రియదర్శన్ వాడేస్తున్నాడని షన్ముగం అనే తమిళ నిర్మాత గోల పెడుతున్నాడు. అలాగే ఈ సినిమా కోసం ప్రియదర్శన్ తో చేతులు కలిపిన యు.టీవీ మోషన్ పిక్చర్స్ వారినీ వారు దుమ్మెత్తిపోస్తున్నారు. చివరకు సెటిల్ మెంట్ ఏ రీతిలో ముగియనుందో అని అందరూ ఎదురుచూస్తున్నారు. ఏదైమైనా 75 సినిమాలు ఇప్పటికి పూర్తి చేసిన ప్రియదర్శన్ కాస్త చూసి,రైట్స్ తీసుకుని కాపీ కొడితే బాగుంటుందని...తన శిష్యులకూ అదే నేర్పుతున్నాడని అని వారు విమర్శిస్తున్నారు.

More from Filmibeat