ఆ డబ్బంతా... శ్రీను వైట్ల ఏం చేస్తున్నాడో తెలుసా?

ఆ డబ్బంతా ఇపుడు...

దర్శకుడిగా తాను సంపాదించిన డబ్బుతో శ్రీను వైట్ల నిర్మాతగా మారాలని నిర్ణయించుకున్నాడు. అయితే సినిమా నిర్మాణం చేయాలనే సాహసం చేయడం లేదని, చిన్న స్థాయి పెట్టుబడులతో ఇప్పుడిప్పుడే నిర్మాతగా బుడి బుడి అడుగులు వేస్తున్నాడు.

బుల్లితెరపై పెట్టబుడి

యూట్యూబ్ ద్వారా బాగా పాపులర్ అయిన వైవా హర్ష తో బుల్లితెరపై ఓ కామెడీ షో ప్లాన్ చేస్తున్నట్లు సమాచారం. ఈ షో ద్వారా శ్రీను వైట్ల నిర్మాతగా మారుతున్నారని సమాచారం.

కామెడీనే సక్సెస్ మంత్రం

శ్రీను వైట్ల సినిమాల్లో కామెడీనే తన సక్సెస్ మంత్ర. ఇపుడు బుల్లితెరపై కూడా దాన్నే ప్రయోగిస్తున్నాడు. ప్రస్తుతం శ్రీను వైట్ల ఇందుకు సంబంధించిన చర్చల్లో ఉన్నాడని, త్వరలోనే ఈ షోకు సంబంధించిన పూర్తి వివరాలు వెల్లడికానున్నాయని తెలుస్తోంది.

మిస్టర్

శ్రీను వైట్ల దర్శకత్వంలో తెరకెక్కిన ‘మిస్టర్' మూవీ రేపు(ఏప్రిల్ 14)న విడుదలకు సిద్ధమవుతోంది. ఈ సినిమా రిజల్ట్ మీదనే దర్శకుడిగా శ్రీను వైట్ల భవిష్యత్ ఆధారపడి ఉంది. ఈ సినిమా హిట్టయితేనే శ్రీను వైట్ల కెరీర్ మళ్లీ గాడిలో పడుతుంది.. లేదంటే అవకాశాలు రావడం మరింత కష్టమవుతుందని అంటున్నారు.

దీపం ఉండగానే...

సినిమా రంగంలో దర్శకుడిగా సక్సెస్ రేటుతో ఎల్లకాలం కొనసాగడం అసాధ్యం. అందుకే దీపం ఉండగానే ఇల్లు చక్కదిద్దుకోవాలన్న చందంగా తాను దర్శకుడిగా ఇండస్ట్రీలో ఉండగానే నిర్మాతగా బాటలు వేసుకుంటున్నాడు శ్రీను వైట్ల.