ఎన్టీఆర్ 'అరవింద సమేత'కు షాక్.. టిఆర్పి రేటింగ్ ఎంతో తెలుసా!

ఎన్టీఆర్ కెరీర్‌లో అత్యధిక వసూళ్లు

అరవింద సమేత చిత్రంలో మాటల మాంత్రికుడు త్రివిక్రమ్ మరోమారు తన మ్యాజిక్ ని చూపించారు. ఫ్యాక్షన్ డ్రామాతో ఆడియన్స్ ని ఆకట్టుకున్నారు. ఎన్టీఆర్ తన నటనతో ఈ చిత్రాన్ని మరో లెవల్ కు తీసుకుని వెళ్ళాడు. యాక్షన్స్ ఎపిసోడ్స్, సిక్స్ ప్యాక్ లుక్ తో ఎన్టీఆర్ అభిమానులు పండగ చేసుకున్నారు. తమన్ అందించిన సంగీతం కూడా సూపర్ హిట్ అయింది. అరవింద సమేత చిత్రం 90 కోట్ల వరకు వసూళ్లు రాబట్టి ఎన్టీఆర్ కెరీర్ లో హైయెస్ట్ గా నిలిచింది.

బుల్లితెరపై నిరాశ

అరవింద సమేత చిత్రాన్ని ఇటీవల బుల్లితెరపై ప్రదర్శించారు. జీ తెలుగు ఛానల్ లో అరవింద సమేత టెలికాస్ట్ అయింది. తాజా సమాచారం ప్రకారం ఈ చిత్రానికి 13.7 టిఆర్పి రేటింగ్ నమోదైనట్లు తెలుస్తోంది. ఇది నిరసపరిచే నంబర్ అని చెప్పొచ్చు. సాధారణంగా ఎన్టీఆర్, త్రివిక్రమ్ చిత్రాలకు మంచి టిఆర్పి రేటింగ్స్ నమోదవుతుంటాయి. కానీ అరవింద సమేత చిత్రానికి ఆలా జరగలేదు.

మిగిలిన చిత్రాలు

అరవింద సమేత చిత్రంతో పాటు ప్రదర్శించబడిన మిగిలిన చిత్రాల టిఆర్పి రేటింగ్స్ ఇలా ఉన్నాయి. మీడియం రేంజ్ చిత్రంగా వచ్చిన హలొ గురు ప్రేమ కోసమే చిత్రం 8.7, తొలిప్రేమ 6.2, పందెం కోడి 2కి 5.5, అమర్ అక్బర్ ఆంటోని చిత్రానికి అతితక్కువగా 3.2 రేటింగ్ నమోదైంది. విజయ్ దేవరకొండ గీత గోవిందం చిత్రం రెండవసారి కూడా అదరగొట్టేసింది. ఈ చిత్రానికి తొలిసారి 20 రేటింగ్ నమోదు కాగా, రెండవసారి ప్రదర్శించినప్పుడు టిఆర్పి రేటింగ్ 17గా నమోదైంది.

కారణం ఇదేనా

గత ఏడాది విడుదలైన రంగస్థలం చిత్రాన్ని 19.5, భరత్ అనే నేను చిత్రానికి 14.6 రేటింగ్ నమోదైంది. అరవింద సమేత చిత్రానికి తక్కువ టిఆర్పి రేటింగ్ నమోదు కావడానికి ప్రధాన కారణం కామెడీ లేకపోవడం అని అంటున్నారు. అమేజాన్ ప్రైమ్ వీడియో లాంటి డిజిటల్ ఫార్మట్స్ లో సినిమాలు ముందుగా వచేస్తున్నాయి. ఇవి కూడా సినిమాలకు టిఆర్పి రెంటింగ్ తగ్గడానికి కారణం అవుతున్నాయి. కానీ అరవింద సమేత చిత్రం ఇంతవరకు ఏ డిజిటల్ ఫార్మాట్ లోనూ రాలేదు.