»   » 'దూసుకెళ్తా' ట్రైలర్ కి సెన్సార్ సమస్య

'దూసుకెళ్తా' ట్రైలర్ కి సెన్సార్ సమస్య

Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    హైదరాబాద్ :మంచు విష్ణు, లావణ్య త్రిపాఠి జంటగా నటించిన 'దూసుకెళ్తా' ట్రైలర్‌ను రివ్యూ కమిటీకి పంపారు. వీరూ పోట్ల దర్శకత్వంలో 24 ఫ్రేమ్స్ ఫ్యాక్టరీ పతాకంపై మోహన్‌బాబు నిర్మించిన ఈ సినిమా ఈ నెల 11న విడుదలకు సిద్ధమవుతోంది. ఇటీవల ఈ సినిమా ట్రైలర్‌ను సెన్సార్ క్లియరెన్స్‌కు పంపగా, ట్రైలర్‌లో ఉన్న 'దొబ్బేయ్' అనే పదం కారణంగా దానికి 'యు' సర్టిఫికెట్ ఇచ్చేందుకు నిరాకరించారని విష్ణు తెలిపారు. దీంతో ఈ ట్రైలర్‌ను రివ్యూ కమిటీకి పంపినట్లు ఆయన చెప్పారు. ఇదివరకు మంచు విష్ణు సినిమా 'దేనికైనా రెడీ' విషయంలోనూ సెన్సార్ సమస్యలు ఎదురయ్యాయి.


    మంచు విష్ణు, లావణ్య త్రిపాఠి జంటగా వీరుపోట్ల దర్శకత్వంలో తెరకెక్కుతున్న చిత్రం 'దూసుకెళ్తా'. 24 ఫ్రేమ్స్‌ ఫ్యాక్టరీ పతాకంపై డా.ఎం.మోహన్‌బాబు నిర్మిస్తున్న ఈ చిత్రం దసరా కానుకగా అక్టోబరు 11న విడుదలకు సిద్ధమవుతోంది. మణిశర్మ సంగీత సారధ్యంలో రూపొందిన పాటలకు విశేషమైన స్పందన లభిస్తోంది. ఇది ఇలా ఉండగా ఇటీవల ఈ చిత్రం ట్రైలర్‌ను సెన్సార్‌ క్లియరెన్స్‌కు పంపగా... సదరు ట్రైలర్‌లో 'దొబ్బెయ్‌' అనే పదం ఉన్న కారణంగా... సెన్సార్‌ బోర్డు అధ్యక్షురాలు ధనలక్ష్మి 'దూసుకెళ్తా' ట్రైలర్‌కు 'యు' సర్టిఫికెట్‌ ఇవ్వడం కుదరదని అన్నారట. అయితే 'దొబ్జెయ్‌' అనే పదం సినిమాలకు గానీ, చిత్ర పరిశ్రమకుగానీ కొత్తేమీ కాదు.

    ఇప్పటివరకు ధనలక్ష్మీచే సెన్సార్‌ చేయబడిన చాలా చిత్రాల్లో దొబ్బెయ్‌ అనేపదం విరివిగా ఉపయోగించబడిందని, కానీ ధనలక్ష్మీ మాత్రం 'దూసుకెళ్తా' చిత్రం ట్రైలర్‌ విషయంలో ఈ రకంగా ఎందుకు ప్రవర్తిస్తుందో అర్థం కాక 'దూసుకెళ్తా' చిత్ర బృందం బాధపడుతోంది. ఈ విషయం తెలుసుకున్న మంచు విష్ణు కేవలం 'దొబ్బెయ్‌' అనే పదం ఉన్న కారణంగా... 'దూసుకెళ్తా' చిత్రానికి 'యు' సర్టిఫికేట్‌ ఇవ్వననడం ఎంత వరకు న్యాయం అని ధనలక్ష్మిని ప్రశ్నించారు. అయినప్పటికీ ధనలక్ష్మీ నుంచి ఎలాంటి సమాధానం రాకపోవడంతో తెలుగు చలన చిత్ర చరిత్రలో మొట్టమొదటిసారిగా ఓ ట్రైలర్‌ రివ్యూ కమిటీకి పంపించారు.

    ఇక ఈ చిత్రంలో రవితేజ గళం వినిపిస్తుంది. ఇందులో కథానాయకుడి పాత్ర చిన్న పిల్లవాడి నుంచి పెద్దవాడిగా ఎదిగే నేపథ్యంలో కొన్ని సన్నివేశాలు ఉన్నాయట. అవి ఆద్యంతం సరదాగా సాగుతాయట. ఆ సన్నివేశాలకి రవితేజ గళాన్ని అందించారు. విష్ణు, లావణ్య త్రిపాఠి జంటగా నటించిన చిత్రమిది. వీరు పోట్ల దర్శకుడు. మోహన్‌బాబు నిర్మాత. వీరు పోట్ల మీడియాతో మాట్లాడుతూ ''రవితేజ గళంతో సాగే సన్నివేశాలు ప్రేక్షకులకి గిలిగింతలు పెట్టేలా ఉంటాయి. సినిమా ప్రారంభంలోనే ఆయన గొంతు వినిపిస్తుంది. ఇందులో విష్ణు పాత్రికేయుడిగా కనిపిస్తారు''అని తెలిపారు.

    English summary
    It’s compulsory for Telugu film trailers to be censored before given to the electronic media. The word Dobbey was censored when Doosukeltha trailer was recently sent for censoring. Producer Mohan Babu has sent a few DVDs of recent Telugu releases which featured word ‘dobbey’. With no response, the producer Mohan Babu has sent Doosukeltha trailer for revision committee. This is not the first time Vishnu’s film have met with censoring problems. His last film Denikaina Ready did also have several censor issues and Mohan Babu condemned it by holding a press meet.
    దేశంలోనే అతిపెద్ద పొలిటికల్ పోల్: ఈ సర్వేలో మీరు పాల్గొన్నారా?
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more