భార్య నరకం చూపిందంటూ...హీరో విజయ్ కన్నీళ్లు(ఫోటోలు)

విజయ్ మీడియా సమావేశం ఏర్పాటు చేసి...తన భార్య నాగరత్న వల్ల తను అనుభవించిన నరకాన్ని, మనో వేదనను ఏకరువు పెట్టుకున్నారు.

విజయ్ తో పాటు మీడియా సమావేశంలో పాల్గొన్న ఆయన తండ్రి రుద్రయ్య

విజయ్ తో పాటు మీడియా సమావేశంలో పాల్గొన్న నారాయణమ్మ

భార్యకు అడిగిందల్లా కొనిపెట్టా, చాలా అపురూపంగా చూసుకున్నా....కానీ ఆమె నాకు 14 సంవత్సరాలుగా నరకం చూపింది. ఇక ఆమెతో కాపురం చేయడం నా వల్ల కాదన్నారు

ప్రస్తుతం విజయ్ ‘రజనీకుంత' అనే కన్నడ చిత్రంలో నటిస్తున్నారు. ఈ సినిమా గురించి ఆయన మాట్లాడుతూ సినిమా ప్రేక్షకులను ఆకట్టుకుంటుందని తెలిపారు.

అదే విధంగా తన భార్య చేసిన ఆరోపణలను సైతం ఖండించారు. తుపాకీతో కాల్చేస్తానని తాను ఏనాడూ ఆమెను బెదిరించలేదన్నారు. దీనిపై ఎలాంటి విచారణకైనా సిద్ధమన్నారు. తమ మధ్య రాజీ కుదిర్చేందుకు కొందరు సినీ ప్రముఖులు ప్రయత్నిస్తున్నారని, అయితే పరిస్థితి ఇప్పుడు పూర్తిగా చేయిదాటిపోయిందని విజయ్ చెప్పారు. విడాకుల విషయంలో కోర్టులోనే తేల్చుకుంటానన్నారు. బిడ్డలను కూడా తనకే అప్పగించాలని కోర్టును కోరతానన్నారు.

అయితే...నాగరత్న వాదన వేరేలా ఉంది. . గతంలోనే విజయ్‌కు పెళ్లయిందని, ఆమె వదిలి వెళ్లడంతో తనను ఇష్టపడి వివాహం చేసుకున్నాడని తెలిపారు. సంసారం సుఖంగా కొనసాగుతున్న సమయంలో మూడేళ్ల క్రితం నటి శుభపూంజాను వర్ధమాన నటిని వివాహం చేసుకున్నారని దానికి కూడా అడ్డుచెప్పలేదని అన్నారు. కత్రిగుప్పలో నిర్మించిన ఇంటి గృహ ప్రవేశం సమయంలో కూడా తనతో పాటు ఆ శుభపూంజా కూడా పూజలు, హోమాల్లో పాల్గొన్నట్లు తెలిపారు. ఇందుకు సంబంధించిన ఛాయాచిత్రాలు కూడా తన వద్ద ఉన్నాయన్నారు. 'శుభను వివాహం చేసుకున్నాను. అభ్యంతరం చెప్పకూడదని విజయ్‌ చేసిన ఆదేశాల్ని పాటించానని' నాగరత్న తెలిపారు. ఇప్పుడిలా విడాకులిస్తానంటూ చెబుతున్నారని వాపోయారు. ప్రాణం పోయినా విడాకులకు అంగీకరించేది లేదని ఆమె స్పష్టం చేశారు. సంసారంలో చిన్నచిన్న కలతలు సహజమేనన్నారు. వాటిని పరిష్కరించుకుంటానని చెప్పారు.