Don't Miss!
- News ఎండలో తిరిగితే జ్వరం..పూలు వేస్తే ఎలర్జీ..నీకు రాజకీయాలెందుకు..?
- Sports DC vs SRH:ట్రావిస్ హెడ్, షెహ్బాజ్ అహ్మద్ విధ్వంసం.. ఢిల్లీ ముందు భారీ లక్ష్యం
- Technology Whatsapp File Sharing Feature వాట్సాప్లో కొత్త ఫీచర్.. సులభంగా ఫైల్స్ షేర్ చేసుకోవచ్చు..!
- Lifestyle మీ భార్యతో ఇలా ఎప్పుడైనా ఉన్నారా..? ఆ విషయంలో భర్త తగ్గాల్సిందే..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
ఆ కోరల్లోంచి బయపడిన దువ్వాడ జగన్నాథం.. బన్నీ కెరీర్లోనే బ్లాక్బస్టర్ అట..
స్టైలిష్ స్టార్ అల్లు అర్జున్ నటించిన దువ్వాడ జగన్నాథం చిత్రం విడుదలకు ముందు అనేక వివాదాల్లో కూరుకుపోయిన సంగతి తెలిసిందే.
స్టైలిష్ స్టార్ అల్లు అర్జున్ నటించిన దువ్వాడ జగన్నాథం చిత్రం విడుదలకు ముందు అనేక వివాదాల్లో కూరుకుపోయిన సంగతి తెలిసిందే. ఈ చిత్రంలోని ఓ పాట తమ మనోభావాలను దెబ్బతీసిందంటూ ఇటీవల బ్రహ్మణ సంఘాలు మంత్రి తలసాని శ్రీనివాస్ యాదవ్కు, మానవ హక్కుల కమిషన్కు, తదితరులకు ఫిర్యాదు చేశాయి. ఈ నేపథ్యంలో డీజే సెన్సార్ ఎలా ఉంటుందోననే ఆందోళన చిత్రయూనిట్కు తలెత్తింది. అయితే దువ్వాడ జగన్నాథం చిత్రం ఎలాంటి ఇబ్బందుల్లేకుండా బయటపడినట్టు సమాచారం.
డీజే సెన్సార్ క్లియర్..
వివాదాలు చుట్టుముట్టిన దువ్వాడ జగన్నాథం చిత్రానికి ఇటీవల సెన్సార్ పూర్తయింది. ఈ చిత్రానికి సెన్సార్ బోర్డు సభ్యులు యూ/ఏ సర్టిఫికెట్ ఇచ్చినట్టు సమాచారం. అంతేకాకుండా డీజేపై ప్రశంసలు కూడా కురిపించారట. ఎలాంటి కట్స్ లేకుండా సెన్సార్ పూర్తయినట్టు విశ్వసనీయ సమాచారం. ఈ నేపథ్యంలో ఇక దువ్వాడకు ఎలాంటి వివాదాల ముప్పు లేకపోవచ్చనే అభిప్రాయం వ్యక్తమవుతున్నది.
బ్లాక్బస్టర్ హిట్ అట..
ఎలాంటి సమస్యలు లేకుండా డీజే సెన్సార్ నుంచి బయటపడటంతో నిర్మాత ఆత్మవిశ్వాసం రెండింతలైందట. ఈ చిత్రం బ్లాక్బస్టర్గా నిలుస్తుందనే ధీమాను వ్యక్తం చేశారు. డీజే చిత్రం బన్నీ కెరీర్లోనే కనివిని ఎరుగని రీతిలో హిట్గా నిలుస్తుందనే ప్రస్తుతం టాక్.
అల్లు అర్జున్, పూజా కెమిస్ట్రీ..
దువ్వాడ జగన్నాథానికి సంబంధించి క్లైమాక్స్ అదిరిపోయిందనే సెన్సార్ రిపోర్ట్. హీరోయిన్ పూజా హెగ్డే, అల్లు అర్జున్ మధ్య లవ్ ట్రాక్ సూపర్గా ఉందనే మాట వినిపిస్తున్నది. వారిద్దరి కెమిస్ట్రీ వర్కవుట్ అయిందని, స్క్రీన్పై మ్యాజిక్ ఖాయమంటున్నాయి సినీ వర్గాలు. ఇప్పటికే డీజే పాటలు సోషల్ మీడియాలో వైరల్గా మారాయి. యూట్యూబ్లో పలు పాటలకు అభిమానులు డ్యాన్సులు చేసి వీడియోలు పెడుతున్నారు.
దువ్వాడపైనే ఆశలు...
ఇక దువ్వాడ జగన్నాథం చిత్రంపై హీరోయిన్ పూజా హెగ్డే భారీ ఆశలు పెట్టుకొన్నది. ఈ చిత్రం హిట్గా నిలుస్తే దక్షిణాదిలో పాగా వేయడానికి ఆమెకు మార్గం సులభమవుతుంది. తెలుగులో ఇంతకు ముందు నటించిన ఒక లైలా కోసం, ముకుంద చిత్రాలు పెద్దగా ఆడలేదు. దాంతో పూజా హెగ్డేకు సక్సెస్ అనేది అందని ద్రాక్షగానే మారింది. ఒకవేళ డీజే బ్లాక్బస్టర్ అయితే పూజ పంటపడింనట్లే అనే మాట ఫిలింనగర్లో వినిపిస్తున్నది.
బాలీవుడ్లోనూ నిరాశే..
హిందీలో పూజా హెగ్డే నటించిన చిత్రాలు కూడా అంతగా విజయం సాధించిన రికార్డుల లేదు. హృతిక్ రోషన్తో పూజ నటించిన మెహంజదారో చిత్రం బాక్సాఫీస్పైనా బోల్లాపడింది. ఆ తర్వాత ఆమెకు బాలీవుడ్లోనూ పెద్దగా అవకాశాలు కనిపించలేదు. ఈ నేపథ్యంలో దువ్వాడ జగన్నాథం చిత్రంపై పూజ కొండంత ఆశను పెట్టుకొన్నది.