చెత్త సినిమాలకు దూరంగా ఉండండి: ‘ఈ నగరానికి ఏమైంది?’ వింత ప్రమోషన్స్

చెత్త సినిమాలు అన్ని రూపాల్లోనూ ప్రమాదకరం

‘ఒక సినిమా ప్రేమికుడిగా నేను ప్రతి సినిమాను ఫ్రైడే మా గ్యాంగ్ తో కలిసి ఎంజాయ్ చేద్దామనుకుంటాను. కానీ ప్రతి ఫ్రైడే మంచి సినిమాలు రావు. అలాంటి సినిమాలు మనలో సినిమా చూసే ఆసక్తిని, ఉత్సాహాన్ని నాశనం చేస్తాయి. చెత్త సినిమాలు అన్ని రూపాల్లోనూ ప్రమాదకరం, మరియు ప్రాణాంతకం. ముఖ్యంగా మీరు డబ్బులు పెట్టే విషయంలో కూడా. ఒక ఉత్సాహభరితమైన సినిమా చూసి ఎంజాయ్ చేయాలంటే చెత్త సినిమాలకు దూరంగా ఉండండి. అందుకే నేను ఈ వీక్ విడుదలవుతున్న ‘ఈ నగరానికి ఏమైంది?' అనే సినిమా కోసం ఎదురు చూస్తున్నాను. మీరూ అలాగే చేయండి. మీ గ్యాంగుతో కలిసి థియేటర్ కు రండి.' అంటూ ఈ వీడియోలో అభినవ్ చెప్పడం క్రియేటివ్‌గా ఉందనే అభిప్రాయాలు వ్యక్తం అవుతున్నాయి.

మీ గ్యాంగ్ లో మీ పరువు నిలబడాలంటే

కష్టపడి లైన్లో నిల్చుని టిక్కెట్లు కొన్నాక ఆ సినిమా బావుండాలని అనుకుంటారు. ఎందుకంటే ఆ సినిమా బాగోలేకుంటే మీరూ, మీ గ్యాంగ్ భారీ మూల్యాన్ని చెల్లించాల్సి రావొచ్చు. ఒక చెత్త సినిమాకు తీసుకెళ్లడం వల్ల మీ గ్యాంగ్ లో మీ పరువును కోల్పోకండి. చక్కగా ఉండండి. చెత్త సినిమలకు దూరంగా ఉండండి. మీ గ్యాంగ్ లో మీ పరువు నిలబడాలంటే ఈ సినిమాకు మీ గ్యాంగ్ తో రండి.... అంటూ ఇందులో పేర్కొననారు.

తరుణ్ భాస్కర్ మూవీ

'పెళ్లి చూపులు' సినిమాతో ఒక్కసారిగా ఇండస్ట్రీలో హైలెట్ అయ్యాడు దర్శకుడు తరుణ్ భాస్కర్. ఈ టాలెంటెడ్ డైరెక్టర్ నుండి వస్తున్న రెండో మూవీ 'ఈ నగరానికి ఏమైంది'. ఇటీవల విడుదల చేసిన ట్రైలర్‌కు మంచి రెస్పాన్స్ వచ్చింది. నలుగురు ఫ్రెండ్స్, మందు, సినిమా చుట్టూ తిరిగే కథ ఇది. తరుణ్ భాస్కర్ దర్శకత్వంతో పాటు.... ప్రముఖ నిర్మాత డి.సురేష్ బాబు సురేష్ ప్రొడక్షన్స్ పతాకంపై ఈ చిత్రాన్ని నిర్మిస్తుండటంతో భారీ అంచనాలు నెలకొన్నాయి.

తన జీవిత అనుభవం నుండే...

తన జీవిత అనుభవం నుండే తరుణ్ భాస్కర్ ఈ సినిమా కథ రాసుకున్నారు. నలుగురు షార్ట్ ఫిల్మ్ మేకర్స్ ప్రయాణం గురించి సినిమా సాగుతుంది. ఈ జర్నీలో వారు ఎలాంటి పరిస్థితులు ఎదుర్కొన్నారు, చివరకు ఎలా సక్సెస్ అయ్యారు అనేది కథ. జూన్ 29న ఈ చిత్రం ప్రేక్షకుల ముందుకు రాబోతోంది.