వెక్కి వెక్కి ఏడ్చిన నాగార్జున, చలించిన ఫ్యాన్స్ (ఫోటోలు)

By Bojja Kumar

Updated: Thursday, January 23, 2014, 16:08 [IST]

హైదరాబాద్: తన తండ్రి అక్కినేని నాగేశ్వరరావు మరణాన్ని తట్టుకోలేక నటుడు నాగార్జున వెక్కి వెక్కిన ఏడ్చిన సందర్భం చూసి పలువురు అక్కినేని అభిమానులు చలించిపోయారు. బుధవారం అభిమానుల సందర్శనార్థం అన్నపూర్ణ స్టూడియోలో ఉంచిన అక్కినేని పార్థివ దేహాన్ని గురువారం ఇక్కడే ఖననం చేయడానికి ఏర్పాట్లు చేసారు.

అయితే అంతిమ యాత్ర నిర్వహించడంలో భాగంగా గురువారం ఉదయం ఆయన భౌతిక కాయాన్ని ఏపీ ఫిల్మ్ చాంబర్‌కు తరలించారు. ఫిల్మ్ చాంబర్లలో నివాళులు అర్పించిన అనంతరం అక్కడి నుంచి వేలాది మంది అభిమానులు, సినీ ప్రముఖులు వెంట రాగా ఆయన భౌతిక కాయాన్ని అంతిమయాత్ర నిర్వహిస్తూ మళ్లీ అన్నపూర్ణ స్టూడియోకు తరలించారు.

మధ్యాహ్నం మూడున్నర గంటలకు అన్నపూర్ణ స్టూడియోలో జరుగుతాయి. ఈ సందర్భంగా పోలీసు సిబ్బంది అక్కినేనికి గౌరవంగా గన్ సెల్యూట్ చేయనున్నారు. ఈ మహానటుడి అంత్యక్రియలకు భారీ సంఖ్యలో అభిమానులు తరలి రానున్న నేపథ్యంలో భారీ ఏర్పాట్లు చేసారు.

నాగార్జున కంటతడి

అక్కినేని నాగేశ్వరరావు మృత దేహం వద్ద నాగార్జున వెక్కి వెక్కి ఏడుస్తున్న దృశ్యం.

చలించి పోయిన ఫ్యాన్స్

నాగార్జున కంటతడి పెట్టిన దృశ్యాలు చూసిన అక్కడే ఉన్న పలువరు అక్కినేని అభిమానులు చలించి పోయారు.

ఈ జీవితం నీవల్లే..నాన్న

నాన్న అక్కినేని నాగేశ్వరరావు ఒక సాధారణ స్థాయి నుండి ఎంతో కష్టపడి ఈ స్థాయికి మమ్మల్ని తీసుకొచ్చారని, ఆయన ప్రతి విషయంలోనూ ఎంతో క్రమ శిక్షణగా ఉంటారని నాగార్జున అనేక సందర్భాల్లో చెప్పుకొచ్చారు.