గౌతమ్ నందా రిలీజ్ డేట్ కన్ఫర్మ్.. గోపిచంద్‌ లుక్ మంచి రెస్పాన్స్..

యాక్షన్ హీరో గోపిచంద్, సెన్సేషనల్ డైరెక్టర్ సంపత్ నంది కాంబినేషన్‌లో రూపొందిన గౌతమ్ నందా చిత్రం జూలై 28న విడుదలకు సిద్ధమవుతున్నది. ఈ చిత్రాన్ని శ్రీ బాలాజీ సినీ మీడియా బ్యానర్‌పై నిర్మాతలు జే భగవాన్, జే పుల్లారావు నిర్మించారు. అంతర్జాతీయ ప్రమాణాలకు అనుగుణంగా ఖర్చుకు వెనుకాడకుండా ఈ చిత్రాన్ని రూపొందించారు. గోపిచంద్ సరసన హన్సిక, క్యాథరిన్ థెరిస్సా జోడిగా నటించారు.

ఈ సందర్భంగా నిర్మాతలు భగవాన్, పుల్లారావు మాట్లాడుతూ.. గోపిచంద్ స్టయిలీష్ లుక్ అనూహ్య స్పందన లభిస్తున్నది. ఇటీవల రిలీజైన టీజర్‌కు యూట్యూబ్‌లో మంచి రెస్పాన్స్ వచ్చింది. సంపత్ నంది అందించిన కథ ప్రేక్షకుడిని ఆకట్టుకుంటుంది అని తెలిపారు.