హోమ్

న్యూస్

ప్రముఖ దర్శకుడు గుణశేఖర్ 'రుద్రమదేవి' తర్వాత మళ్లీ ఇప్పటి వరకు ఏ సినిమా మొదలు పెట్టలేదు. మంగళవారం తిరుమల శ్రీవారి దర్శనానికి ఫ్యామిలీతో వచ్చిన గుణశేఖర్ తన తర్వాతి సినిమా గురించి మాట్లాడారు.

త్వరలో 'భక్త ప్రహ్లాద' జీవిత చరిత్రపై సినిమా తీయబోతున్నట్లు ఆయన వెల్లడించారు. త్వరలో ఈ షూటింగ్ మొదలవుతుందన్నారు. అయితే ఈ చిత్రం టైటిల్ భక్త ప్రహ్లాద కాదని, టైటిల్ ఏమిటనేది త్వరలో ప్రకటిస్తామని తెలిపారు.

ప్రస్తుతం స్క్రిప్ట్ వర్క్ జరుగుతోందని అన్నారు. త్వరలోనే నటీనటుల సాంకేతిక నిపుణుల ఎంపిక ప్రక్రియ మొదలవుతుందని చెప్పారు. 'రుద్రమదేవి' తరహాలోనే ఎక్కడా రాజీ పడకుండా ఈ సినిమాను భారీతనంతో తెరకెక్కిస్తానని గుణశేఖర్ తెలిపారు.