నవరస నటుడు ‘కోట’ నట ప్రస్థానం ఇలా సాగింది (ఫోటో ఫీచర్)

ప్రాణం ఖరీదుతో కెరీర్ ప్రారంభం

క్రాంతికుమార్‌తో 'ప్రాణం ఖరీదు' చిత్రంతో కెరీర్‌ను ప్రారంభించారు. అంతవరకు ఎప్పుడూ సినీ నటుడవ్వాలని ప్రయత్నించని కోట 1985 ప్రతిఘటన సినిమా లో ఒక్క నిమిషం పాత్రలో నటించారు. ఆ పాత్రతో నిడివి తక్కువ వున్నా ఆ పాత్రతో అందరిని ఆకట్టుకున్నారు. ఆ తరువాత కోట శ్రీనివాసరావు వెనుతిరిగి చూడలేదు. ఒక్క హీరో వేషం తప్ప ఆయన అన్ని రకాల పాత్రలూ పోషించారు.

ఎన్నో అద్భుతమైన పాత్రలు

‘ప్రతిఘటన' చిత్రంలో గుడిశెల కాశయ్యగా ఆయన తెలంగాణా యాసను బాగా వెలుగులోకి తెచ్చారు. యమలీల చిత్రంలో మాంత్రికుడిగా, గాయం చిత్రంలో పొలిటికల్‍ గూండాగా, అహ నా పెళ్ళంట చిత్రంలో బ్రహ్మానందం, రాజేంద్ర ప్రసాద్‌లతో కలసి అద్భుతమైన కామెడిని పండించారు కోట శ్రీనివాసరావు.

మనీ చిత్రంలో పాత్ర సూపర్

మనీ చిత్రంలో ఉత్తేజ్‍కి పెళ్ళిచేసుకోవద్దని చెప్పే సీన్లో ఆయన ఇంగ్లీష్ భాష భలే తమాషాగా ఉంటుంది. అలాగే ఆ చిత్రంలో భద్రం బీ కేర్‌ఫుల్ బ్రదరూ-భర్తగ మారకు బ్యాసులరూ అనే పాటలో ఆయన నటన కూడా ప్రేక్షకులను విశేషంగా ఆకట్టుకుంటుంది. ఇలా చెప్పుకుంటూ పోతే కోట నటించిన 200 ఫైగా చిత్రాల గురించీచెప్పవలసి ఉంటుంది.

అమితాబ్‌తో...

అమితాబ్‍ బచ్చన్ వంటి గొప్ప నటుడితో కలసి ‘సర్కార్' అనే హిందీ చిత్రంలో నటించటం గొప్ప అనుభూతి అని అంటారు కోట శ్రీనివాసరావు.

ఎన్టీఆర్ తో నటించలేక పోయాడు...

చాలామంది పాత, కొత్త టీనటులందరితో నటించినా ఒక మహానటుడితో నటించలేదనే లోటు తనకెప్పుడూ బాధ కలిగిస్తుందనీ అన్నారాయన. ఆయనే మహానటుడు న్.టి.ఆర్‌‍. "మేజర్ చంద్రకాంత్" చిత్రంలో ఆయనతో నటించే అవకాశం వచ్చినా, తనకు డేట్స్ కుదరకపోవటం వల్ల ఆ పాత్రను పరుచూరి గోపాల కృష్ణ పోషించారనీ అన్నారాయన.

ప్రతి అవకాశాన్ని సద్వినియోగం చేసుకోవడం వల్లే ఈ స్థాయికి

వచ్చిన ప్రతి అవకాశాన్ని ఉపయోగించుకుని అందులో లీనమై పోవడానికి ప్రయత్నిస్తుంటానని..అందుకే కొన్ని చిత్రాలు తనకు పేరు తెచ్చాయన్నారు. తాను మాత్రం 'హీరో'గా అయ్యే దానికి ప్రయత్నించలేదని..హీరోగానో..దర్శకుడిగా లేదా నిర్మాతగా అయి ఉంటే వీడికెందుకురా ఈ పనులు అని కొందరు పరచాకాలు ఆడి ఉండేవారని కోట శ్రీనివాస్‌రావు తెలిపారు. పరిశ్రమకు ఎంతగానే తాను రుణపడి ఉంటానని ఎప్పుడూ చెబుతుంటారు.