సీమంతం వేడుకలోనూ స్టెప్పులు.. హరితేజ మామూల్ది కాదు.. పిక్స్ వైరల్

బిగ్ బాస్ షోతో..

బిగ్ బాస్ షోలో హరితేజ ఇచ్చిన ఎంటర్టైన్మెంట్‌కు ఆమె వచ్చే పాత్రలన్నీ మారిపోయాయి. టాప్ 3 వరకు వచ్చిన హరితేజకు బయట మాత్రం ఆఫర్లు క్యూ కట్టేశాయి. టాలీవుడ్‌లో లేడీ కమెడియన్‌గా మంచి పాత్రలనే దక్కించుకుంది. కెరీర్ మంచి పీక్స్‌లోకి వెళ్లింది. బిగ్ బాస్ కంటే ముందు హరితేజకు మంచి ఆఫర్లు వచ్చినా కూడా ఈ షో తరువాత ఆమె ఫాలోయింగ్ బాగా పెరిగింది.

వరుసగా హిట్లు..

అఆ సినిమా నుంచి హరితేజ కెరీర్ మంచి ఊపందుకుంది. కమెడియన్ పాత్రల్లో హరితేజ తన సత్తాను చాటుకుంది. మహర్షి, హిట్, సరిలేరు నీకెవ్వరు, ప్రతిరోజు పండగే, ఎఫ్ 2, అరవింద సమేత, యూటర్న్, శ్రీనివాస కళ్యాణం వంటి సినిమాల్లో మంచి పాత్రలతో మెప్పించింది.

అటు ఇటూ..

హరితేజ సినిమాలతో బిజీగా ఉన్నా కూడా ఫ్యామిలీకి టైం కేటాయించేది. 2016లో దీపక్ రావుని వివాహమాడింది హరితేజ. అనూహ్యంగా పెళ్లి తరువాతే హరితేజ కెరీర్ ఊపందుకుంది. అలా వరుసగా సినిమా ఆఫర్లు రావడంతో ఎక్కువగా అటు వైపే మొగ్గు చూపింది.

సీమంతం వేడుకలు..

వివాహామైన నాలుగేళ్లకు హరితేజ తల్లి కాబోతోంది. తాజాగా హరితేజకు సీమంతం జరిగింది. ఈ మేరకు ఫోటోలు, వీడియోలు సోషల్ మీడియాలో తెగ వైరల్ అవుతున్నాయి. అయితే హరితేజ తన సీమంతం వేడుకల్లోనూ అందర్నీ ఎంటర్టైన్ చేసింది.

క్యూట్ స్టెప్పులు...

హరితేజకు క్లాసికల్ డ్యాన్స్‌లో ప్రావీణ్యం ఉందన్న సంగతి తెలిసిందే కదా. తాజాగా సీమంతం వేడుకల్లోనూ చిన్నగా స్టెప్పులు వేసింది. ఇక హిమజ కూడా ఈ వేడుకల్లో పాలు పంచుకుంది. మొత్తానికి హరితేజ సీమంతం వేడుకలు మాత్రం సోషల్ మీడియాలో హాట్ టాపిక్ అవుతున్నాయి.