ఏ హీరోకూ ఈ పరిస్థితి రాకూడదు: ప్రేమించిన అమ్మాయికి అన్నయ్యగా!

ఐశ్వర్యరాయ్-సల్మాన్ మాజీ ప్రేమికులనే విషయం తెలిసిందే. ఇద్దరి మధ్య రెండు సంవత్సరాలు ప్రేమాయణం సాగింది.

By Bojja Kumar

Published: Monday, July 24, 2017, 15:14 [IST]

ప్రేమించిన అమ్మాయిని సోదరిగా చూడటం ఏ ప్రేమికుడి వల్లా కాదు. అది నటనే అయినా మనసు ఒప్పదు. కనీసం అలాంటి ఊహ కూడా రావడానికి ఎవరూ ఇష్టపడరు. అలాంటి అనుభవమే బాలీవుడ్ స్టార్ సల్మాన్ ఖాన్‌కు ఎదురైంది.

గతంలో సల్మాన్ ఖాన్, ఐశ్వర్యరాయ్ ప్రేమించుకున్న సంగతి తెలిసిందే. ఇద్దరూ దాదాపు రెండేళ్లు డేటింగ్ చేశారు. పెళ్లి కూడా చేసుకోవాలనుకున్నారు. కానీ కొన్ని కారణవల్ల ఇద్దరూ విడిపోయారు. అప్పట్లో వీరిద్దరి మధ్య గొడవ మీడియాలో సంచలనం. వారు విడిపోయిన తర్వాత జరిగిన పరిణామాల గురించి అందరికీ తెలిసిందే.

ఐశ్వర్యరాయ్‌కి సోదరుడిగా

ఐశ్వర్యరాయ్, సల్మాన్ ఖాన్ గొడవపడక ముందు.... ఇద్దరి మధ్య ప్రేమాయణం సాగుతున్న సమయంలో సల్మాన్ వద్దకు ఓ ప్రపోజల్ వచ్చిందట. అప్పట్లో మన్సూర్ అలీ ఖాన్ అనే దర్శకుడు తాను తెరకెక్కిస్తున్న ‘జోష్' మూవీలో ఐశ్వర్యకు బ్రదర్ పాత్ర పోషించాలని సల్మాన్ ఖాన్ ఆశ్రయించాడట.

రిజక్ట్ చేసిన సల్మాన్

అయితే సల్మాన్ ఖాన్ ఆ సమయంలో ఐశ్వర్యరాయ్ తో ప్రేమలో ఉండటంతో తాను అలాంటి పాత్ర చేయలేనని తేల్చి చెప్పాడట. అది నటనే అయినా నా వల్ల కాదని, నా ప్రియురాలితో అలాంటి ప్రయోగాలు చేయనని ఆ ఆఫర్ రిజక్ట్ చేశాడట.

ఫైనాల్‌గా షారుక్ ఖాన్ ఓకే చేశాడు.

అయితే ఆ పాత్ర పెద్ద హీరోతో చేస్తేనే బావుంటనే ఉద్దేశ్యంతో...తర్వాత షారుక్ ఖాన్‌ను సంప్రదించి అతడితో ఈ పాత్ర చసేందుకు ఓకే చేయించాడు మన్సూర్ అలీ ఖాన్.

రెండు సంవత్సరాలు డేటింగ్

అప్పట్లో సల్మాన్ ఖాన్, ఐశ్వర్యరాయ్ దాదాపు రెండు సంవత్సరాల పాటు డేటింగ్ చేశారు. ఈ సమయంలో ఇద్దరూ కలిసి పలు సూపర్ హిట్ చిత్రాల్లో నటించారు.

రిలేషన్ షిప్‌

జోష్ మూవీలో ఐశ్వర్యరాయ్ సోదరుడి పాత్ర చేయాలని సల్మాన్ ఖాన్ కు ఆఫర్ వచ్చే నాటికే ఇద్దరూ లవ్ రిలేషన్లో ఉన్నారు. ఈ విషయంలో అప్పుడు ఇద్దరి మధ్య చర్చ కూడా జరిగింది, అనంతరం సల్మాన్ ఖాన్ మన్సూర్ అలీ ఖాన్ ఆఫర్ తిరస్కరించాడు.

సల్మాన్ ఖాన్ యాటిట్యూడ్

ఐశ్వర్యరాయ్‌ని ప్రేమిస్తున్న సమయంలో సల్మాన్ ఖాన్ ప్రవర్తన చాలా వింతగా ఉండేదని, ఐశ్వర్యరాయ్‌ మీద సర్వ హక్కులు తనవే అనే యాటిట్యూడ్ ప్రదర్శించేవాడని, అతడి ప్రవర్తన వల్ల ఐశ్వర్యరాయ్ చాలా సందర్భాల్లో ఇబ్బంది పడిందని అప్పట్లో వార్తలొచ్చాయి.

క్రమంగా దూరమైన ఐష్

అయితే సల్మాన్ ప్రవర్తనతో విసుగుచెందిన ఐశ్వర్యరాయ్ క్రమం క్రమంగా అతడిని దూరం పెట్టడం ప్రారంభించిందని, ఈ క్రమంలో ఇద్దరి మధ్య బ్రేకప్ అయిందని టాక్.

తట్టుకోలేకపోయిన సల్మాన్

ఐశ్వర్యరాయ్ తనను దూరం పెడుతుండటాన్ని సల్మాన్ ఖాన్ తట్టుకోలేక పోయాడు. ఓ రోజు ఐశ్వర్యరాయ్ ఇంటి వద్ద సీన్ క్రియేట్ చేశాడు. దీంతో ఇద్దరి మధ్య గొడవలు మరింత పెరిగాయి. ఈ వ్యవహారం గురించి అప్పట్లో మీడియాలో కథలుకథలుగా రాశారు.