చిక్కుల్లో రూ. 1000 కోట్ల బడ్జెట్ ‘మహాభారతం’ మూవీ!

ఆ పేరు పెడితే ఊరుకోం

ఈ సినిమాకు ‘మహా భారతం' అని పేరు పెట్టడానికి వీల్లేదంటూ.... కేరళకు చెందిన హిందూ ఐక్యవేదిక హెచ్చరించింది. రాండామూజమ్ నవల ఆధారంగా సినిమాను నిర్మిస్తున్నప్పుడు... ఈ చిత్రానికి అదే పేరు పెట్టాలని సంఘం అధ్యక్షురాలు కేపీ శశికళ డిమాండ్ చేశారు.

సినిమాను అడ్డుకుంటాం

ఒక వేళ ఈ సినిమాకు మహాభరతం అనే పేరునే పెడితే షూటింగును అడ్డుకుంటామని, థియేటర్లలో ఆడబోనివ్వమని వార్నింగ్ ఇచ్చారు. ఎంటీ వాసుదేవన్ నాయర్ ‘రాండామాజమ్' నవల రాసారని... ఆ నవలలో ఉన్నది సినిమాగా తీస్తే వేద వ్యాసుడు రాసిన మహాభారతం పేరు ఎలా పెడతారని మండి పడ్డారు.

సినిమా ఎప్పుడు వస్తుంది?

మహాభారతాన్ని రెండు భాగాలుగా తీసేందుకు ప్లాన్ చేస్తున్నారు. తొలి భాగాన్ని 2020లో విడుదల చేసేందుకు ప్రయత్నాలు చేస్తున్నారు. ఈ సినిను మలయాళం, కన్నడ, తమిళం, తెలుగు, ఆంగ్ల భాషల్లో తెరకెక్కించేందుకు ప్లాన్ చేస్తున్నారు.

షూటింగ్ ఎప్పుడు?

2018 సెప్టెంబర్లో ఈ సినిమా సెట్ష్ మీదకు వెళ్లే అవకాశం ఉంది. త్వరలోనే ఈ సినిమాకు సంబంధించిన పూర్తి వివరాలు వెల్లడించనున్నారు. ఈ చిత్రానికి ప్రముఖ యాడ్ ఫిల్మ్ మేకర్, విఏ శ్రీకుమార్ మీనన్ దర్శకత్వం వహించనున్నారు.